عمرو دياب يكشف سبب حضوره افتتاح ولاد رزق 3 بالسعودية: تركي آل الشيخ بيقدم أعمال بالصبغة العالمية
حرص الهضبة عمرو دياب على حضور افتتاح فيلم ولاد رزق 3 بالسعودية، والذي يعرض حاليًا في دور العرض بمصر ضمن موسم أفلام عيد الأضحى.
والتقى الإعلامي عمرو أديب بالهضبة وسأله عن سبب حرصه لحضور افتتاح الفيلم ليرد: كلهم أصدقائي وأنا سعيد بيهم لأن العمل ده مختلف وولاد رزق بجزئيه الأول والثاني نجح بشكل كبير، وولاد رزق 3 بالإنتاج اللي شفته بيسموها إنتاج بالصبغة العالمية يفتح نفسنا.
عمرو دياب: تركي آل الشيخ بيقدم أعمال بالصبغة العالمية
وأضاف عمرو دياب: وأنا بمعرفتي بمعالي المستشار تركي آل الشيخ كل الأعمال اللي بيعملها بيقدمها بصبغة عالمية، للمزيكا والسينما أنا لسه هشوفه دلوقتي الكواليتي اللي معمول والتريلر حاجات من بره، طارق العريان له باع معايا من زمان، بينه وبينا تاريخ قديم فنيا وموسيقيا أو لنجوم عظام اللي موجدين العمل كله متكامل فرحان إني موجود وأتمنى ليهم التوفيق.
وتابع: هناك حالة من الازدهار والفيلم جزء منه إنتاج مشترك، معاهم تامر مرسي والمتحدة، والإنتاج ده هيدي دفعة كبيرة لأي حد يعمل شغل بمستوى عالي.
وحقق فيلم ولاد رزق 3 أرقامًا تاريخية غير مسبوقة في شباك التذاكر، حيث اقتربت إيرادات العمل من تحقيق 50 مليون جنيه في 5 أيام فقط، ليصبح الفيلم صاحب أعلى إيراد يومي في تاريخ السينما المصرية.
ومن ناحيته، احتفل تركي آل الشيخ رئيس الهيئة العامة للترفيه بنجاح فيلم ولاد رزق 3: القاضية، حيث أعاد نشر خبر تحقيق الفيلم عبر حسابه الرسمي على تطبيق إكس كونه أصبح أعلى إيراد يومي في تاريخ السينما المصرية بـ18 مليون جنيه، وأول فيلم في تاريخ السينما المصرية يحقق 48 مليون في 5 أيام.
ويُشار إلى أن موسم الرياض مشارك في العملية الإنتاجية للفيلم، كما أن موسم الرياض دعم الفيلم بمبلغ 3 ملايين دولار لرفع الكفاءة الإنتاجية ومشاهد التصوير.
