المتهم بقتل شقيقته بالصف: لقيت واحد باعتلي صور خارجة ليها خلاني اتجننت| خاص
كشفت التحقيقات في القضية رقم ٤٦٧١ لسنة ٢٠٢٤، جنايات مركز الصف والمقيدة برقم ۱۳۸۰ لسنة ٢٠٢٤ كلي جنوب الجيزة تفاصيل واقعة مقتل فتاة تدعى فرح، على يد شقيقها إسلام، لشكه في سلوكها وسمعتها السيئة بمنطقة الصف التابعة لمحافظة الجيزة، حيث أطبق يديه حول عنقها وخنقها حتى فارقت الحياة.
المتهم بقتل شقيقته بالصف
وحصل القاهرة 24 على اعترافات المتهم بقتل شقيقته بالصف لشكه في سلوكها، بعد أن أطبق يديه حول عنقها وخنقها حتى فارق الحياة بمنطقة الصف التابعة لمحافظة الجيزة.
وقال المتهم بقتل شقيقته بالصف: بعد ما أختي اتطلقت وعدتها خلصت اتجوزت وراحت قعدت معاه في التبين، ومكملتش ست شهور وجات برضوا بيت أبوها واتخانقت مع أبويا بسببها عشان هو بيساعدها إنها تغضب وتسيب بيت جوزها وسبت البيت وخدت أمي وأخواتي البنات روان عندها سبع سنين، وروحت قعدت في الشرفا وعرفت وأنا سايبهم إنها اتطلقت من جوزها الثاني روحت اتكلمت مع أبويا تاني وقالي ملكش دعوة ده بنتي وأنا حر فيها وقولتلك خلاص براحتك وبلغت أعمامي باللي بتعمله.
وأضاف المتهم بإنهاء حياة شقيقته بالصف لشكه في سلوكها: وعرفت بعدها بخمس شهور إن في عريس ثاني اتقدملها من المنيا برضوا اللي كانت متجوزة منها العريس الأولاني ولما عرفت روحت أتعرف عليه ولقيته عيل محترم وبعدها بحوالي عشرة أيام اتجوزت وراحت عاشت معاه هناك وبرضو معداش شهور وغضبت تاني وراحت بيت أبويا وقالت إنها عايزة تتطلق وأبوبا وافق على طلاقها وطلقها ولقيت أبويا راح مشغلها في مصنع ملابس في مدينة نصر معرفش اسمه، لأني مكنتش عايش معاهم وروحت قلت له إزای تسيبها تشتغل بعد اللي حصل ده وقالي ملكش دعوة وسكت.
وأردف المتهم بقتل شقيقته بالصف لشكه في سلوكها: وبدأت من هنا الناس في البلد يشوفوا أختى وهيا رايحة وجايه ولابسة فساتين ضيقة وماسكه تليفون تانش والكلام بقى كثير عليها ولما الناس بدأت تكلمني تقولی کده روحت ساعتها اتكلمت مع أبوها ثاني مخدش بكلامي وساعتها المحكمة حكمت على أبويا في قضية النفقة اللي أمي رافعاها على أبويا وخدت أختي تعيش معايا رجعتها ابيت تعيش مع أمي وأخواتي في الشقة اللي أنا واخداها في الشرفا.
وتابع المتهم بقتل شقيقته لشكه في سلوكها بالصف ومعداش يومين ولقيت أمي بتكلمني وبتقولى أختك سابت البيت وراحت عند عمها عشان أنا كنت مقفل عليها الدنيا وكنت مانعها من التليفونات والخروجات وبعد كده جالي تليفون من واحد معرفوش وبيقولي لم أختك رنيت على الرقم ده مردش عليا خالص بعد ما بعتلي الرسايل دى واديت الرقم لأخويا يشوف الرقم ده وبتاع مين والرقم ده راح بعت لأخويا اسكرينات ورسائل وصور لأختى وكلام محدش يستحمله طلعت على عمى عبد الناصر وقولتله راح قالي الصور دى مفبركة والكلام ده من حوالي خمس شهور.
واختتمت التحقيقات مع المتهم بواسطة السلطات المختصة، وجددت حبس المتهم على ذمة التحقيقات معه في قضية قتل شقيقته.
