بلوجر حلوان المتهمة بالزنا: جوزي ضربني وقالي أنتي بتتهميني بالخيانة بعد ما لميتك من الشوارع| خاص

يواصل القاهرة 24 نشر نص التحقيقات في القضية رقم 46352 لسنة 2023، والمقيدة برقم 6200 لسنة 2023 إداري حلوان، والتي وجه فيها أحد الأشخاص تهمة الزنا لزوجته، وتعمل بلوجرعبر منصات السوشيال ميديا، بعدما أرسل له أحد الأشخاص، عدة مقاطع فيديو وصور وتسجيلات، لزوجته مع  آخر، فتأكد من خيانتها له، وتقدم ضدها ببلاغ، يحتوي على فلاشة بها مقاطع مخلة بالآداب وتسجيلات صوتية، ومكالمات جنسية لها مع أحد الأشخاص.

بلوجر حلوان

وقالت بلوجر حلوان: لما خرجت من المستشفى رفض إني اقعد مع ماما، وفرض عليا إني أقعد مع مامته، وكان رافض إن أنا أقعد مع مامتي من غير ما يقول أي سبب، والموضوع كان عند وخلاص وبعديها وأنا عند أهله اتخانقت معاه بسبب الموضوع ده، لأني مكنتش واخدة راحتي وقرفانة من بيت أهله، لأنه كان مركب كاميرات جوا شقة أهله في كل حتة ومكنتش عارفة أرضع ابني، ابني قدام حد لأن الكاميرات دي متوصلة بموبيلات أهله كلهم، حتى أخوه الي عايش برا، فطلبت منه إني أروح بيت أهلي لحد ما أبقى كويسة، ولكنه رفض برضو وضربني بالقلم على وشي، وساعتها مسكتش واخدت ابني وطلعت على بيت ماما بالعافية، وسبته وبعدين أهلي وبابا کلمه وقاله أنت إزاي تمد إيدك عليها، واتهرب منهم وفضلت غضبانة في بيت أهلي، وفي آخر شهر 2 السنة اللي فاتت، استقريت في بيت أهلي وعملت أسبوع ابني في البيت وهو محضروش.

 بلوجر حلوان: لما كنت بطلب منه فلوس للبيت يقولي خلي أهلك يجيبولك

وأضافت بلوجر حلوان في التحقيقات: بعدها الأهلين تدخلوا وصالحونا على بعض ورجعت معاه بيت الزوجية وعملنا سبوع تاني لابني وأهله بس إلي حضروا، وبعدها عشنا مع بعض بس كان مهمل فيا ومكنش بيصرف على البيت ولا كان بيجيب اكل ولا شرب، ولما كنت بطلب منه فلوس للبيت عشان أعرف آكل وأشرب وأرضع ابننا، قالي خلي أهلك يجيبولك، وساعتها فعلا أبويا كان بيجلبي الأكل والشرب ويحطوه في السبت عشان بابا مكنش بيقدر يطلع الدور الخامس.

ترحيل البلوجر هدير عبد الرازق لقسم الشرطة بعد قرار حبسها

القبض على سائق أوبر المتهم بمحاولة خطف فتاة والاعتداء عليها جنسيا بالقاهرة

وواصلت بلوجر حلوان: فضلنا كده فترة لحد شهر 2023/7 لحد ما في يوم واحنا في البيت واتكلمنا إن لحد امتى هنفضل كده، وإن أنا اللي بصرف على ابننا وأهلي بيجبولنا الأكل والشرب، ولحد امتى هتفضل كده قالي اخبطي راسك في الحيط، وطلبت منه الطلاق ورفض وسابني ونزل وفي الوقت ده أبويا كان عيان وفي العناية المركزة، ومقولتش لأهلي أي حاجة ساعتها، وقالي ساعتها إن معاه صور وفيديوهات ليا مخلة، وساعتها مكنتش مصدقة إنه عرف يجيب الصور دي وورهالي، وقالي أنتي كنتي مش كويسة، وأنا لميتك من الشارع وشتمني.