هشام عاشور عن فيديوهات هروب الأضاحي: ليه نتريق ونضحك لما تهرب.. فين الرحمة؟
انتقد لاعب الإسكواش المعتزل هشام عاشور، السخرية من فيديوهات ذبح الأضاحي، قائلًا: لا يحق لنا أن نسخر منها لأنها كائنات لها مشاعر، وأين الرحمة في ذلك.
هشام عاشور ينتقد السخرية من فيديوهات ذبح الأضاحي
ونشر هشام عاشور، مقطع فيديو عبر حسابه الشخصي بموقع إنستجرام، جاء فيه: هل ده شيء آدمي ربنا خلق الكائن ده بيحس هل صح أننا نعمل منه مسخة ونقعد نتريق ونضحك عليه، ولما ينزل الشارع ويهرب نقعد نخبطه على دماغه ليه العذاب ده.
وواصل هشام عاشور: هل ده صح تخيل أنت موجود في حته الناس كلها ضدك وبتتريق عليك، وبتضحك عليك، وأنت ما عملتش حاجة، وفي الآخر هياخدوك ياكلوك، ده إيه ده، فين الرحمة في كده، في حاجة غلط في الموضوع أنا مش عارف استوعبه.
هشام عاشور يشارك في مسلسل عملة نادرة
يذكر أن هشام عاشور، شارك في مسلسل عملة نادرة الذي عُرض عام 2023، وحقق العمل نجاحًا كبيرًا وقت عرضه، وتدور قصة العمل حول تتنافس عائلتان في نجع عبد الجبار على السلطة والثروة، وتتأجج بينهما الصراعات بسبب زواج بين طرفين من العائلتين.
وشارك في بطولة مسلسل عملة نادرة مجموعة من الفنانين منهم: نيللي كريم، أحمد عيد، جمال سليمان، كمال أبو رية، ندى موسى، مريم الخشت، والعمل من تأليف مدحت العدل، وإخراج محمد جمال العدل.
