منى عبد الغني تبكي خلال تأديتها مناسك الحج: درجة الحرارة 70 لكن الشعور عظيم.. إحنا أحباب النبي
تحدثت الفنانة والإعلامية منى عبد الغني، عن تأديتها مناسك الحج هذا العام، معربة عن سعادتها الكبيرة على الرغم من الارتفاع الكبير بدرجات الحرارة بـ جبل عرفات، متمنية أن ينال جميع المسلمين بالعالم شعور تأدية مناسك الحج.
وتأثرت منى عبد الغني، ودخلت في نوبة بكاء خلال مداخلتها الهاتفية في برنامج الستات مايعرفوش يكدبوا، قائلة: رغم المشقة وارتفاع الحرارة التي وصلت إلى 70 على جبل عرفة، إلا أن الشعور عظيم الوقوف على جبل عرفة وجبل الرحمة، واستشعرت الآية الكريمة فَاجْعَلْ أَفْئِدَةً مِنَ النَّاسِ تَهْوِي إِلَيْهِمْ.
وتابعت منى عبد الغني: الناس قلوبها مع الله، وسيدنا محمد سامعنا وبيرد علينا وبيرد على اللي ربنا مأكرمهوش بالحج من أبعد نقطة في العالم، صلوا عليه كتير إحنا أحباب النبي وهيشفع لينا إن شاء الله.
منى عبد الغني
ومن ناحية أخرى، سبق وأن كشفت الفنانة والإعلامية منى عبد الغني، تفاصيل ارتدائها الحجاب، قائلة: لما أخويا توفى قولت لازم أكون جاهزة للقاء ربنا في أي لحظة، ولبست الحجاب بعد مجموعة تراكمات قديمة، والواعي اللي عنده عقل لما بتجيله فرصة الالتزام وممسكش فيها ممكن متجيش الفرصة دي تاني، وخدت قراري وعمري ما ندمت وبسأل ربنا أنه يثبتي.
وأضافت: أتمنى إني أكون قدوة حسنة، وبدعي طول الوقت إن ربنا يستخدمني في الخير حتى لو بنهزر، لازم تكون كل حاجة تليق بالمشاهد اللي بيتفرج علينا، والتريند ممكن يوصل بالصدق، والمهمة هتحسب في ميزان حسناتك ولا سيئات، مش بالتريند.
