إسعاد يونس بعد افتتاح سينما رينسانس في بنها: هنفتح في كل الأقاليم.. وهنقدم خدمة ثقافية
أعربت الفنانة والإعلامية إسعاد يونس، عن سعادتها بـ افتتاح مجمع سينما رنيسانس في بنها، تزامنًا مع عيد الأضحى المبارك، إذا أشارت أن الخطوة المقبلة ستكون في مدينة الزقازيق.
وتحدثت إسعاد يونس خلال لقائها مع القاهرة 24 قائلة: خطوة مهمة وإحنا زمان كان عندنا سينمات في الأقاليم وقفلت وكان نفسنا نفتح تاني في الأقاليم، وتم اتخاذ القرار بعد عدة تطورات في الشركة، وانضمام شباب ساعدت على وجود ذلك الشغف.
إسعاد يونس: هنفتح سينمات في كل الأقاليم.. وهنقدم خدمة ثقافية
وأضافت إسعاد يونس: ودي مش أول سينما هيتم افتتاحها ولكن كانت أول خطة، وجمهور بنها فاق توقعاتنا لأنه متابع جيد، وعنده وعي وإدراك للفنون، وسعيد أنه عنده سينما بتاعته لأنه كان بيسافر محافظات مخصوص ليها، والحمد لله تجربة ناجحة، وعندنا خطة السينما اللي جايا في الزقازيق، وهنفتح في كل البلاد، وهنقدم ثقافات مختلفة.
وفي سياق آخر تحدثت الإعلامية إسعاد يونس عن سعادتها بـ حلقتها مع الفنانة ياسمين عبد العزيز إذا قالت: الجمهور حب الحلقة عشان ياسمين إنسانة أصلية، وعلى طبيعتها، وهي صحبتي جدًا والميكس بينا كان كويس جدًا وهي اللي كانت بتخلق الضحك كمان في الحلقة، ياسمين طلعت في برامج كتير، ومكنتش متخيلة السيستم هيكون عامل إزاي.. لكن أنا ربنا مديني قدرة إني بعرف أفك مفاتيح الضيف، وأخلي التوتر يقل.
