أحمد جمال يكشف تفاصيل اصطدامه بـ مسن على طريق الفيوم: لقيته قدامي فجأة.. وأنا ماليش ذنب
كشف الفنان أحمد جمال، تفاصيل اصطدامه بـ مسن على طريق الفيوم خلال الأيام الماضية، مؤكدًا أنه تفاجئ بالمسن ولكنه لم يصدمه بسيارته.
وقال أحمد جمال في تصريحات إذاعية: والله أنا ماليش ذنب، أنا ماشي بالعربية على الحارة الشمال استعدادًا إني هلف يعني جنبي الحاجز اللي بين طريقين ومفيش مهرب، الحارات اللي جنبي أسرع مني فـ اللي بيعدي مش باين، وفي راجل كبير كان لابس جلابية وكانت حركته معطلاه، كان جاي من الناحية اليمين وعشان يهرب من ميكروباص جاي بسرعة راح جاري فجأة، وأنا فجأة لقيته قدامي، أنا تفاديته على قد ما أقدر عشان مخبطش في الحاجز الخرساني، هو مخبطش في وش العربية خبط في المراية.
وتابع أحمد جمال: لما الراجل اتخبط في المراية وقع، والعربية اللي جايه بعدي خبطته، ودا طريق سريع وأنت قدامك حاجتين يا تفرمل وتحصل مصايب وراك يا تفادي الراجل وتمشي.
كدمات بسيطة.. تفاصيل حادث اصطدام المطرب أحمد جمال بمسن
ومن ناحية أخرى، سبق وأن كشف خالد جمال، شقيق الفنان أحمد جمال، تفاصيل التحفظ على شقيقه في قسم الهرم بعد اصطدامه بمسن على طريق الفيوم.
وقال في تصريح خاص لـ القاهرة 24، إن هناك ملابسات في الحادث وأن شقيقه كان يسير على الطريق الواحات وفوجئ بأحد الأشخاص أمامه وحاول أن يفاديه ولكنه اتخبط في المراية بتاعته والعربيه اللي ورا أحمد هي اللي خبطت الراجل.
