بعد عصابة الماكس.. أحمد فهمي يكشف تفاصيل أعماله المقبلة
كشف الفنان أحمد فهمي تفاصيل أعماله الفنية المقبلة، وذلك بعد طرح فيلمه عصابة الماكس، ضمن الأفلام المشاركة في موسم عيد الأضحى بدور العرض السينمائي.
وقال أحمد فهمي، في لقائه مع القاهرة 24: المشروع اللي جاي هيكون على منصة ومش كوميدي، ولكن الأفلام اللي جاية هيكون فيلم دراما وفيلم كوميدي بإذن الله.
كما كشف أحمد فهمي كواليس وتحضيرات فيلمه عصابة الماكس، قائلًا: البرومو كان مبين فكرة الفيلم، وأنا اللي بفكر فيه قبل شخصيتي في الفيلم بشوف فكرة الفيلم كلها، والشخصية لو الفيلم حلو هقدر أطورها وأشتغل عليها لو فيها مشاكل، واشتغلنا على الاسكريبت بالشكل اللي صورنا بيه وجرينا جدًا في التصوير، حتى إحنا صورنا رمضان كله لأن الوقت كان ضيق جدًا بس الحمد لله الفيلم طلع بشكل مرضي.
وأشار أحمد فهمي، إلى أنه استعان بمصحح لغوي خلال تحضيرات فيلم عصابة الماكس، قائلًا: كان معايا مصحح لغة لأن اللهجة الدارجة في الإسكندرية مش اللي إحنا عارفينها داخل فيها قاهري شوية، لغاية ما الحمد لله طلعنا اللهجة بشكل المفروض تطلع كويسة.
فيلم عصابة الماكس
وفيلم عصابة الماكس من إخراج حسام سليمان في أول تجاربه الإخراجية، ومن تأليف كل من رامي علي وأمجد الشرقاوي.
والفيلم بطولة أحمد فهمي، ولبلبة، وروبي، وأوس أوس، وحاتم صلاح، مع وجود عدد كبير من ضيوف الشرف، ومن إنتاج اتحاد الفنانين وليجسي برودكشن للانتاج الفني.
