هاني شنودة عن أغاني المهرجانات: ليه ميكونش فيه مهرجانات وطنية.. ولا لازم ألفاظ جارحة؟
كشف الموسيقار هاني شنودة، عن رأيه في أغاني المهرجانات، معربًا عن استيائه الشديد بسبب المصطلحات المستخدمة خلال هذه النوعية من الأغاني.
وقال هاني شنودة، في تصريحات تليفزيونية: معنديش مشكلة مع المزيكا اللي بترقص الناس والأوتوتيون، أنا عندي مشكلة مع الكلام، ومقبلش حد يغني ويقول هاتي بوسة يا بت وسيجارة بني وخمرة، ده مش إحنا، وأنا ممكن أعمل لـ بتوع المهرجانات ألحان بشرط الكلام يكون نضيف، ليه ميكونش فيه مهرجانات وطنية وعاطفية واجتماعية؟ ليه لازم ألفاظ جارحة؟.
هاني شنودة: عمرو دياب مدان.. ويجب احترام الجمهور
كما علق هاني شنودة، على أزمة صفع الفنان عمرو دياب لـ معجب، قائلًا: عمرو دياب إنسان خلوق، وإذا كان في إحدى المرات قال عن السائق الخاص به حيوان فهذا نوع مع الهزار، وعمرو مش هيرد دلوقتي على أزمة المعجب لأنه تعلم ده عندي، ولو الولد معملش حاجة يتقدم ببلاغ والنائب العام يشوف الفيديوهات ويعرف مين الغلطان، وأنا لا أصدق إن عمرو ضربه من فراغ.
وتابع هاني شنودة: الضرب بالقلم لأ، لكن في حاجات لا تنازل فيها، وعمرو تعلم ألا يرد على الصغائر ويترفع عن كل ما يسيء له، لكن في الآخر هو مدان، المفروض نعامل جمهورنا بما يستحقه، لأن جمهورنا العيش اللي بناكله ولا بد نحترمه.
