وسط حراسة مشددة.. وصول أحد المتهمين بإنهاء حياة الطفلة ريتاج لجلسة محاكمته
وصل المتهم بإنهاء حياة الطفلة ريتاج بمدينة نصر محكمة جنايات القاهرة المنعقدة بالتجمع الخامس، لحضور جلسة محاكمته، بينما تغيبت المتهمة الثانية والدة ريتاج عن الحضور.
وصول المتهم بإنهاء حياة الطفلة ريتاج لجلسة محاكمته
ويواصل القاهرة 24 نشر التحقيقات في قضية مقتل الطفلة ريتاج على يد حسن في مدينة نصر، بسلك كهربائي، بعد وصلة تعذيب، بسبب معاناة المجني عليها من التبول اللا إرادي، والتي كشفت تفاصيل جديدة حوتها شهادة مجري التحريات.
واعترف المتهم بقتل صغيرة مدينة نصر في التحقيقات: أنا كان قصدي أضربها مكنش قصدي أقتلها، واللي حصل إني أعرف سارة من حوالي شهرين عشان بشتغل في كشك سجاير في عين شمس، وهي كانت ساكنة قريب من الكشك اللي بشتغل فيه، وكانت بتعدي تشتري حاجات من عندي، وفي مرة قالتلي إنها محتاجة سكن تعيش فيه عشان مش معاها فلوس تدفعها في إيجار السكن اللي كانت ساكنة فيه هي وبناتها في عين شمس، فقولتلها أنا عندي شقة في عزبة الهجانة تعالي أسكني فيها، فلمت حاجتها وجت تسكن في الشقة بتاعتي في عزبة الهجانة هي وبناتها ريتاج وسما، ودي كانت مجدعة مني من غير إيجار ولا فلوس ولا حاجة.
