تحديث تويتر الجديد| حوار اللايكات يتصدر التريند.. والمغردون ساخرون: مش هعرف أراقب الناس تاني
تصدر هاشتاج حوار اللايكات تريند منصة إكس بعد إعلان إيلون ماسك مؤسس المنصة لـ تحديث تويتر الجديد، وقراره بإلغاء خاصية ظهور الإعجاب على تغريدات منصة إكس، مما أثار الجدل بين المتابعين الذين يطلق عليهم.. الستوكرز.
حوار اللايكات يتصدر التريند بعد تحديث تويتر الجديد
وشارك مُغردون منصة إكس هاشتاج حوار اللايكات بعد إعلان رجل الأعمال الأمريكي الشهير إيلون ماسك، باعتباره مؤسس المنصة قراره بإلغاء خاصية الإعجاب على التغريدات، مما أغلق خاصية ظهور من يشارك بـ الإعجاب على المنشورات أمام المتابعين.
وهذا أثار جدلًا واسعًا بين المُغردين، خاصًة من يطلق عليهم.. الستوكرز، وهم الأشخاص الذين يراقبون متابعيهم في صمت، ويشاهدون إعجابهم على التغريدات دون أن يعلموا من يراقبهم أو يتابعهم في الخفاء.
المُغردون: إيلون ماسك مبسوط بـ حوار اللايكات
وشارك بعض المُغردين بـ التعليقات الساخرة بعد إعلان إيلون ماسك لهذا القرار، حيث علق أحد المُغردين على صورة الفنان حسن حسني من فيلم عبود على الحدود: إيلون ماسك وهو مبسوط من حوار اللايكات، وإن مفيش حد هيقول نتابع بعض من اللايك تاني.
وأضاف مُغرد آخر ساخرًا ومُعلقًا بصورة الفنان عادل إمام من أحد أفلامه: عملتلك إعجاب على فكرة.. حوار اللايكات، وأضاف مُشارك آخر: حوار اللايكات دا ممل جدًا بجد، فيما عقب متابع آخر: بخصوص التحديث الجديد وكمان حوار اللايكات.. إنت ممكن تبقى عامل لايك لصورة مش كويسة وبسبب اللايك بتاعك غيرك هيشوفها، لإن اللايك بـ يساعد على انتشار المحتوى وعدد أكبر يشوفها وتبقى إنت السبب وتاخد ذنب كل شخص شافها بعدك، لكن لو تجاهلتها محدش هيشوفها، محدش شايفك صح.. بس ربنا شايفك.
المُغردون: كل دي ناس طلعت عايشة على الـ stalking
ومُغردة تشارك متابعيها قائلة: مش فارق معايا حوار اللايكات ده ولا التحديث عامًة.. أنا عايزة تويتر أبو عصفورة زرقا، ومتابع آخر كتب: متضايقة موت بجد من حوار اللايكات الي اتشالت ده انا كنت بعرف شخصية الي قدامي من لايكاته حاسه محتوايا ضاع، ومُغرد آخر علق: بقى كل دي ناس طلعت عايشة على الـ stalking وبـ يصيحو ع حوار اللايكات.. دا الحمد لله ع نعمة الدماغ الفاضية.
كذا تعقب مُغردة أخرى: بمناسبة حوار اللايكات، ده أنا قعدت سنة مثلًا أول ما عملت تويتر مكنتش أعرف إن اللايكات بتظهر اصلًا، من راقب الناس.. مات همًا، وهكذا عقبوا مُغردين منصة إكس بعد إعلان قرار إيلون ماسك النهائي بإلغاء خاصية ظهور الإعجاب بشكل عام أمام مستخدمين المنصة.
