مندوب يتعرض لموقف غير إنساني وسط الأجواء الحارة بسبب كوب ماء
تحدثت سيدة تدعى نوران تمتلك أحد البراندات على الإنترنت عن موقف تعرض له عامل التوصيل الخاص بها مع أحد العملاء، حيث رفض عميل إعطاء مندوب التوصيل كوب من الماء وسط الأجواء الحارة.
مندوب يتعرض لموقف غير إنساني
وأشارت نوران إلى تفاصيل تعرض عامل التوصيل الخاص بشركتها لموقف غير إنساني من أحد العملاء قائلة: بس أنا آسفة يا جماعة بجد معرفش تصرفي صح ولا غلط بس مندوبين الشحن أقسم بالله مش شغالين عندنا لا بالعكس هو بيساعدك بدل ما تنزلي في جو الحر دا والفلوس للي بتبصوا فيهم بيبقا طالع منها نصها مكسب لأن متنسوش إن فيه بنزين.
وتابعت: مندوب عنده 38 سنة مش بيشتغل أصلا أوردرات أنا عشان هو بيحترمني قالي عيني عشان ضغط هوصلك رغم أنه رفض حوار التعامل مع العملاء.
واستكملت: المندوب كان من الصبح معايا في شغل وبعدين جاله أوردر من المقطم للرحاب، ولما وصل للعميلة قالتله هشيك على الأوردر قالها بعد اذنك ممكن كوباية مياه، وقالتله باللفظ كده وأنت مش معاك تنزل تشتري زجاجة مياه لا معنديش، وقفلت الباب.
وعن رد فعلها بعد تعرض المندوب لهذا الموقف فقالت، اتصل بيا وقالي يا ست الكل حصل كذا وكذا وصوته كله عياط، قولتله خبط عليها وخد الأوردر كامل منها وانزل هاتلك زجاجة ماية وعصير وحاجة تاكلها وامشي قالي لا انا هستني تديني فلوس وهجبها لحضرتك انا بشتكيلك من الأسلوب قولتله وأنا بقولك وحياة عيالي مش مستلمة، والاستاذة اللي عملتلي بلوك بحق كسرة المندوب حسبي الله ونعم الوكيل فيكي.
