صافيناز تنفصل عن السبكي فنيا: كل أعمالي معاه ببلاش وكنت بشتري لبسي على حسابي | خاص
شنت الراقصة صافيناز، هجومًا على المنتج أحمد السبكي بعد تعاونهما في أكثر من عمل فني، إذ أشارت إلى أنها لم تتقاضى أجرًا طوال هذه السنوات، لذلك قررت الانفصال عنه فينا.
صافيناز تهاجم أحمد السبكي
قالت صافيناز في تصريحات لـ القاهرة 24، إنها قررت الانفصال عن المنتج أحمد السبكي، وذلك بسبب عدم حصولها على أجر مقابل أعمالها الفنية، قائلة: قررت مشتغلش معاه تاني، لأن مكنتش باخد فلوس ومحدش بيشتغل ببلاش.
تابعت صافيناز: مصاريف الأفلام كانت غالية عليا سواء كانت ملابس أو اكسسوارات، كل المصاريف دي عليّا وفي الأخر مفيش فلوس، وأنا عندي التزامات ومسئوليات، ولما سيبته شهرتي مقلتش، وهرجع أعمل أفلام وأغاني مع شركات تانية.
صافيناز: متقارنوش الراقصات المحترمات باللي بتشوفوهم في الساحل
على جانب آخر، أعربت صافيناز مؤخرًا عن استيائها من تشبيهها بالراقصات اللائي يثيرن جدل في حفلاتهم بالساحل الشمالي، إذ أكدت أنهن ليسوا راقصات محترفات، واصفةً هذه الراقصات بـ الريكلام، مشيرة إلى أن تشبيهها بهن إساءة كبيرة.
وقالت صافيناز في تصريحاتها لـ القاهرة 24: الراقصة لازم تاخد بالها من لبسها، واللبس يكون مريح ومحتشم، بيجيبوا ناس مبيعرفوش يقفوا على المسرح، أي واحدة معاها 500 جنيه، بتجيب بدلة رقص وتروح الساحل، وتبقى راقصة، وبعد كدة بيقولوا الراقصات غالية!، لأ معلش متقارنوش الناس المحترمة بالـ أي كلام اللي طالعة من كباريه، الراقصة اللي بجد تحت.
وفي وقت سابق، ردت صافيناز على الانتقادات التي تتعرض لها بسبب جرأتها في الرقص والملابس، حيث قالت خلال تصريحات تلفزيونية: رقصي مفيهوش إغراء.. ولو قارنا بين راقصات زمان ودلوقتي هنلاقي زمان كان فيه إغراء أكثر.. والراقصات كانوا بيلبسوا بدل من غير شورتات.. لكن إحنا على الأقل بنلبس شورت.
أعمال صافيناز
يذكر أن صافيناز شاركت في بطولة فيلم إنت حبيبي وبس، الذي عُرض عام 2019، وتناول العمل في إطار كوميدي، حول الفنان المشهور زيكو، الذي يضطر للزواج من بوسي، بعد أن اشترط جدهما في وصيته زواجهما للحصول على الميراث والذي يبلغ خمسة مليون جنيه، ومع تطور الأحداث يتحول ارتباطهما إلى حب حقيقي.
شارك في بطولة فيلم إنت حبيبي وبس، مجموعة من الفنانين منهم: محمود الليثي، بوسي، محمد ثروت، صافيناز، أحمد حلاوة، والعمل من تأليف سيد السبكي، وإخراج أحمد البدري.
