بعد تبرعها له بكليتها وخيانتها.. ريم تعود لابن عمها نبيل: ومتابعون: غلبت شيرين عبد الوهاب
خلال الفترة الماضية، تصدر لايف عمر حسين وأحمد غريب التريند، وذلك بعد أن ذكر في اللايف قصة فتاة تروي حكاية تعرضها للخيانة من خطيبها ابن عمها نبيل بعد تبرعها له بكليتها، ومن ساعات قليلة ظهرت الفتاة ريم مع عمرو حسين في لايف جديد، وأكدت عودتها لابن عمها نبيل من جديد.
ريم تعود لابن عمها نبيل
وفي اللايف الجديد مع البلوجر عمر حسين أكدت ريم عودتها لابن عمها قائلة: أنا رجعت لخطيبي وابن عمي من جديد، ودلوقتي احنا بنحضر الشقة وهنتجوز خلال 4 أشهر.
وتابعت: أنا الحمدلله بقيت كويسة، هو بيحبني، وهو مش متخيل اللي عمله معايا بيأذيني، وأنا مكملة من غير ما حد يضغط عليا عشان ارجعله، وانا شايفه انه اتغير، وانا بكون مطمنه وهو موجود معايا، ولازم ندي فرص للناس اللي بنحبهم لو اتغيروا.
وفي الفيديو، أكد عمرو حسين لريم، أن فيه شباب ومنهم 5 من الخليج كلموه عشان يتواصلوا مع ريم ويتقدمولها، عشان مش مصدقين ان فيه بنت مضحية للدرجة ديه، وميعرفوش شكلك حتى، وعاوزين بس يعوضوكي عن اللي انتي شوفتيه.
وبعد عودة ريم لابن عمها نبيل، جاءت تعليقات السوشيال ميديا كالتالي، طب التروما اللي جاتلي بسببها، والعياط اللي انا عيطوا عشانها.
وقال مستخدم، انا ممكن اديها كليتي اسهل من وجع القلب دا، والله ديه غلبت شيرين عبد الوهاب.
بينما قال آخر، لا تلقوا بأيديكم الي التهلكة ربنا اداكي اشارات كتير ان الإنسان دا مش كويس واتجوز عليكي وانتو مخطوبين ومقدرش اي شي حرفيا عملتيه عشانه سواء هو رجع دلوقتي وشايفه انه كويس معاكي دا عشان هو لو عنده احساس فهو حاسس بالندم مش اكتر انما دا مش حب ولاعمره هيكون حب.
وعلق آخر، ربنا اداها اشارات كتير عشان تبعد وتسببه وهي مصممه بردو تاذي نفسها هتندم ع القرار ده بعد ما اكون استهلكت كل حاجه فيها مع واحد غلط.
وقال آخر، بجد صعبانه عليا اوي اللي هي في مرض والمفروض اهلها يساعدوها تتعافي من الشخص المؤذي ده.
قصة ريم وابن عمها نبيل
ومؤخرًا تحدثت ريم عن قصتها مع ابنه عمها نبيل التي تبرعت له بكليتها قائلة: خطيبي مهندس وأدمن المخدرات، لكن وقفت جمبه لغاية ما اتعالج، وخرج من المستشفى، ووالدي كان بيطالب بفسخ الخطوبة، وبعد 7 أشهر من تعافيه، أغمى عليه، وده بسبب إصابته بالفشل الكلوي، وكان محتاج متبرع بـ الكلى.
وتابعت: الدكاترة طلبوا إن المتبرع يكون على صلة قرابة بالمريض، ولكن الدكتور المشرف على الحالة استبعد المتبرعين الأكبر سنًا، والموقف كان صعب عليا، والكل عارضني، ولكني تبرعت له بالكلية لخطيبي من سنة، ولحد النهاردة والدي مش بيكلمني، وخطيبي خرج من المستشفى وخف وحالته اتحسنت، وعلاقتنا اتحسنت
