اعترافات عشيق زوجة بدر المتهمة بقتل زوجها: خلصنا عليه وفاطمة عملت محضر تغيب عشان محدش يشك فينا

يواصل القاهرة 24 نشر التحقيقات في جريمة بدر، والمتهم فيها سيدة وعشيقها، بإنهاء حياة زوجها وتقطيعه داخل 11 كيسا، من أجل الخلاص منه ليخلو لهما الجو، ولم يكتفيا بما ارتكباه بل مارسا الجنس بجوار جثمان المجني عليه ياسر، زوج المتهمة الأولى فاطمة، وابن خالة المتهم الثاني سيد.

وجاءت نص التحقيقات مع المتهم كالتالي:-

س: هل انصرفت من مسكن المجني عليه والمتهمة بعد تنفيذ الجريمة؟
ج: لا إحنا بعد ما خلصنا أنا نمت مع فاطمة وعملنا علاقة وبعد كدا أنا مشيت.

س: وهل من ثمة أدوات اعتموها لإتمام جريمتكم؟
ج: أيوه هو أنا طلبت منها تنزل تسحب فلوس من البوسطة من الحساب تباعها، وفعلا سحبت 6 آلاف جنيه من الحساب بتاعها وجابت أكياس زبالة كبيرة سودة وجابت سكينة كبيرة من محل في الشارع، وجابت كلور بعديها من واحد معدي في الشارع عشان تنضف الحمام من الدم.

س: وما هو وصف تلك الأدوات؟
ج: أكياس زبالة سوداء كبيرة وسكينة مطبخ إيدها خشب ولونها بني.

س: وكم عدد تلك الأكياس تحديدا؟
ج: همّ كان عددهم 11 كيس أسود اللون.

س: وهل حاولتم إخفاء آثار دماء المجني عليه من مسرح الجريمة؟
ج: أيوة هو كان في واحد بتاع منظفات بينادي تحت البيت فـ أنا قولتلتها اشتري منه كلور خام وهي اشتريت كيسين كلور خام، وأنا أخذتهم منها ونطفنا الحمام أنا وهي من الدم.

س: وفي أي الأماكن تحديدا قطعت المجني عليه؟
ج: كان في الحمام.

س: وهل من ثمة أشخاص لاحظوا تغيب المجني عليه؟
ج: أيوة احنا اتفقنا إن احنا نقول لأهل ياسر في البلد إنه مختفي وهي اتصلت بأهله وقالتلهم إنه مختفي.

س: وما هو رد فعل أهلية المجني عليه عقب مبلغاتك لهم؟
ج: أهل ياسر قالوا لفاطمة روحي اعملي محضر تغيب وأنا قولتلها فعلا روحي اعملي كدا عشان يبقى الموضوع طبيعي ومحدش يشك فينا وفعلا راحت وعملت محضر تغيب والظابط طلب منها تجيب صورة ياسر وجابتها وراحت تاني يوم القسم، وبعدين أهل جوزها جم من البلد وأنا كنت بكلم فاطمة عشان أعرف منها اللي حصل، وأخو فاطمة رن عليها في التليفون وقالها تعالي البلد، وهي كانت بتلم الشنط وأهل جوزها بلغوا القسم انهم شاكين في فاطمة وعرفت إنها اتمسكت في القسم.

س: وما هي تفاصيل تلك البلاغ؟
ج: هي قالتلي في التليفون إنها راحت القسم يوم الجمعة 5/ 1 / وعملت محضر.

س: وهل أخبرك أحد على الإدلاء بتلك الأقوال؟
ج: لا أنا مفيش حد أخبرني وأنا لسه ندمان.

جريمة بدر.. تفاصيل إحالة سيدة وعشيقها بتهمة إنهاء حياة الزوج وتقطيعه للمحاكمة الجنائية

لحظة بلحظة من مسرح الجريمة.. ننشر المعاينة التصويرية في جريمة بدر | صور

س: وما قولك فيما قررته المتهمة بتحقيقات النيابة؟
ج: أيوه الكلام دا حصل وهي كانت عارفة كل حاجة واتفقنا مع بعض إننا نقتله.

س: وما صلتك بالأحراز السابق عرضها عليك؟
ج: السكاكين والعصايا دي مش همّ اللي استخدتهم في قتل المجني عليه.

س: وكيف تخلصتم من تلك الأدوات المستخدمة في قتل المجني عليه؟
ج: السكينة أنا أخدتها وحطتها على البوتوجاز على النار عشان مايبنش حاجة عليه وادتها لفاطمة تحطها في كيس الزبالة بتاعت البيت.