والد سعد صاحب واقعة الصفع من عمرو دياب: كان ضربه بالنار ولا يضّرب بالقلم |خاص
حوادث
صاحب واقعة الصفع من عمرو دياب في حديثه لـ القاهرة 24
قال أسامة والد الشاب سعد صاحب واقعة الـ صفع من عمرو دياب، إن نجله تخرج من الكلية وذهب إلى العمل في أماكن الحفلات مع أصدقائه سعيا لأكل العيش، وموعد تجنيده في شهر 7 المقبل.
والد سعد صاحب واقعة الصفع من عمرو دياب: كان ضربه بالنار ولا يضّرب بالقلم
وأضاف والد الشاب صاحب واقعة الصفع من الفنان عمرو دياب، في تصريحات خاصة لـ القاهرة 24: محدش تواصل معانا، وأنا معنديش فكرة عن أي حاجة واحنا من الصعيد واتفضحنا في بلد ووسط أهالينا، لإن القلم عندنا حاجة وحشة خالص.
وواصل والد سعد: اديني طلقة في قلبي ولا تضربني بالقلم، وإحنا هنروح نعمل محضر ضد الفنان عمرو دياب، مضيفا: ابني قاعد في الأوضة وقافل على نفسه ومش بيكلم حد، إحنا ناس صعايدة وهناخد حقنا بالقانون، وهعمل محضر دلوقتي.
وأشار: ابني بيشتغل في أحد أماكن الحفلات ويسعى على أكل عيشه بعدما اتخرج من الجامعة زي أي شاب، وشغال مع الناس بقالهم فترة ومفيش أي حاجة حصلت منه.
