حرام أبخل على الناس بأفكاري.. أول تعليق من تميم يونس على اتهامات تحريضه على العنف بأغنيته الجديدة| خاص
علق الفنان تميم يونس، على الانتقادات الواسعة التي تعرض لها بعد طرحه أغنيته الجديدة، بعنوان تاني، التي أثارت غضب الجمهور منه مجددا، واتهامه بالتحريض على العنف.
وقال تميم يونس خلال تصريحات لـ القاهرة 24: مليش دعوة بالانتقادات خالص أنا بعمل اللي أنا حاسه وبس، مفيش موضوع وكدة كدة أنا مركز في اللي عايز أعمله بس، مليش دعوة بـ حد ودي حرية رأي.
تميم يونس: مش بحرض على العنف في أغنية تاني وبتعبر عن رحلتي
وأشار تميم يونس، إلى أنه لم يقصد التحريض على العنف من خلال أغنية تاني، قائلا: وردَّا على الناس اللي بتقول إن الأغنية فيها عنف، فـ أكيد الناس كلها بتتفرج على أفلام، هل الأفلام دي كلها بتحرض على العنف؟ ده بيكون تمثيل وحرية رأي زي ما أنا في الكليب بعرض قصة معينة ليها علاقة بمبدأ معين في دماغي وبـ رحلتي أنا، لكن هحرض على العنف ليه؟.
واختتم تميم يونس حديثه، قائلا: الناس مش عايزيني أعبر عن نفسي برغم إن اللي في دماغي أصلا عبيط، أنا عايز أعبر عن نفسي مش أكتر فعملت الأغنية، ودي مش شغلتي وأنا مش عايز أنافس في مجال الغنا، أنا مجرد بتطلع في دماغي حاجة فا بعملها، عشان حرام أبخل على الناس بالحاجات دي.
أغنية تاني
طرح تميم يونس مؤخرا، فيديو كليب أغنيته الجديدة تاني، عبر قناته بموقع الفيديوهات يوتيوب، وتناول الفيديو كليب الخاص بها العديد من مشاهد الضرب خلال الأحداث، مما أثار غضب الجمهور من تميم.
