بلوجر حلوان في التحقيقات: اتقدملي ورفضته بسبب صور خادشة وفيديوهات رقص كنت ببعتها لخطيبي السابق

يستكمل القاهرة 24 نشر نص التحقيقات في القضية رقم 46352 لسنة 2023 والمقيدة برقم 6200 لسنة 2023 إداري حلوان، والتي وجه فيها أحد الأشخاص لزوجته تعمل بلوجر، وتقدم محتوى عبر منصات السوشيال ميديا، تهمة الزنا، بعدما تفاجأ بأحد الأشخاص، يرسل له عدة مقاطع فيديو وصور وتسجيلات، لزوجته مع أحد الأشخاص، فتأكد من خيانتها له، وتقدم زوجها ببلاغ، يحتوي على فلاشة بها مقاطع مخلة بالآداب وتسجيلات صوتية، ومكالمات جنسية لها مع أحد الأشخاص.

تحقيقات بلوجر حلوان: طلب الزواج مني وانا كنت رافضه 

وجاءت أقوال بلوجر حلوان أمام جهات التحقيق كالآتي: أسمي ش، مطلقة، والمدعو م.أ، كان جوزي واتطلقنا بحكم محكمة في 2023/11/25 بعد ما رفعت عليه دعوى خلع وبنا خلافات كبير، وأنا خلفت منه ابني أحمد وعنده سنة و3 شهور، الموضوع ابتدي في سنة 2022 في شهر يناير لما اتعرفت على “م” عن طريق إنه كان طالب مديرة فروع للعيادات الخاصة به وأنا قدمت ملفي وانقبلت واشتغلت معاه وبعد ما ابتديت شغل معاه وبعد شهر طلب مني الجواز وانا كنت رافضه، بسبب الي كنت لسه فاسخة خطوبتي مع واحد اسمه عمرو عواد.

وأضافت بلوجر حلوان: وبعد الحاح شديد منه ومن أهله أنا قعدت معاه وحكيتله أنا مش موافقه ليه وده بسبب إني حكيتله عن كل الغلطات الي كانت في حياتي، والغلطات دي كانت عبارة عن صور خاصة كنت بتصورها وفيديوهات الرقص الي كنت ببعتها لخطيبي السابق والي كنت مصدومة في اللى حصل منه ومكنتش عایزه ارتبطت بحد تاني وهو كان عارف بكل ده من بدري وأنا كنت صريحة معاه عشان مكنتش عايزه اظلمه معايا أو يعرف عني حاجة بعد الجواز تكرهه فيا.

بلوجر حلوان: زوجي اتكلم مع خطيبي السابق عشان ميحاولش يأذيني

وتابعت: ساعتها هو كان رد فعله إن مكنش فارق معاه كل ده والى عرفته بعد كدا منه انه راح وقعد مع خطيبي السابق وأتكلم معاه في كل الي انا حكيتهوله عني عشان يبعد عنى وميكلمنيش تاني ولا يحاول يأذيني وساعتها انا اقتنعت إنه راجل كويس وهيحافظ عليا وعايز يتجوزني بجد وأنا وافقت وتمت الخطوبة يوم 2022/2/25 وفي فترة الخطوبة كان مختار مش عايزها تطول وكنا بنرتب مع بعض ميعاد كتب كتابنا وبعدين حددنا ميعاد كتب الكتاب كان بتاريخ 2022/3/18.

زوج بلوجر حلوان في التحقيقات: شوفت فيديوهات جنسية لمراتي مع رجالة آخرين

زوج بلوجر حلوان في التحقيقات: اكتشفت خيانتها عن طريق فلاشة فيها فيديوهات لها في أوضاع مخلة

وأشارت بلوجر حلوان: وقبل كتب الكتاب بيومين “ م ”جابلي موبيل ايفون كان بتاعه ادهولي بدل موبيلي الى كان معايا وطلب مني إنه ياخد التليفون بتاعي بحجة إنه هيفرمته وإنه بعد كدا هيديه لوالدتي، وأنا ادینهولوا وساعتها الموبيل ده كان في صوري ومكالمات تليفون وفيديوهات خاصة بيا ومنها مكالمات ليا مع خطبي السابق والمحادثات الي كانت بيني وبينه وطبعا كنت مسحت كل الحاجات دي من عليه قبل ما اديهولوا ولما قولتلوا الموبيل مش عليه أي حاجة أصلا، قالي انا اتأكد الأول وبعدين نديه لـ مامتك.

 بلوجر حلوان: مكنتش اعرف ان الصور متخزنة في الأكونت بتاع الجي مايل

وأردفت: بس انا مكنتش اعرف ان الصور والمحادثات متخزنة في الأكونت بتاع الجي مايل بتاعي ولما هو مسك الموبيل عرف يسترجع كل الي أنا مسحته بس هو مقاليش كده في ساعتها وعلى كل الحاجات دي معاه والكلام ده حصل في 2022/3/16 قبل كتب الكتاب بيومين.