ياسمين عز توجه رسالة لـ الشناوي بعد الإصابة: السؤال على المصاب واجب ومبقاش فيه أخلاقيات
وجهت الإعلامية ياسمين عز رسالة إلى محمد الشناوي، حارس مرمى الفريق الأول بالنادي الأهلي، بعد إصابته.
ياسمين عز توجه رسالة إلى محمد الشناوي بعد الإصابة
وقالت ياسمين عز في حلقة اليوم من برنامج كلام الناس: صحيت من النوم، لقيت خبر، اللهم أجعله خير، بيقولوا محمد الشناوي مضايق علشان بعد الإصابة محدش قاله حمد الله على السلامة، ودي حاجة ضايقته جدا من ناس كتير.
وأضافت: بس كده؟!، يا خبر.. أوعى تضايق، إحنا بنقول لك حمد الله على السلامة إن شاء الله القطة السودة وانت لأ، عيب أوي ياجماعة السؤال على المصاب ده واجب، أين الأخلاق والروح الرياضية، ده مبقاش فيه أخلاقيات، إحنا اتغيرنا والعالم ده لازم ينتهي.
على جانب آخر، وجهت ياسمين عز نصائح للمطلقات للتعامل مع الطليق منها: 1- لو إنتي محجبة مينفعش تقابلي طليقك والقُصة طالعة من الطرحة لأنه مينفعش يشوف طرف صباعك، 2- إوعي تتهوري وتقصي شعرك أو تصبغيه، نفسيتك مش هتتغير لكن فتلة شعرك هتشيط وتتقصف، 3- ممنوع إرسال الرسائل الطويلة والمستفزة واللي كلها لوم وعتاب من يوم ما عرفك، 4- اسمه على التليفون يتغير، هو مش كتكوتك ولا أرنوبك ولا فرعونك سميه أبو العيال أو أبو شيماء.
