زوج بلوجر حلوان في التحقيقات: رفعت عليا قضية خلع وكشفتها من خلال فيس بوك
يستكمل القاهرة 24 نشر نص التحقيقات في القضية رقم 46352 لسنة 2023 والمقيدة برقم 6200 لسنة 2023 إداري حلوان، والتي وجه فيها أحد الأشخاص لزوجته بلوجر ومن ضمن إحدى السيدات الشهيرات على مواقع التواصل الاجتماعي، وتقدم محتوى عبر منصات السوشيال ميديا، تهمة الزنا، بعدما تفاجأ بأحد الأشخاص، يرسل له عبر تطبيق واتساب، عدة مقاطع فيديو وصور وتسجيلات، لزوجته مع أحد الأشخاص، فتأكد من خيانتها له، وتقدم زوجها ببلاغ ضدها للنيابة، يحتوي على فلاشة بها مقاطع مخلة بالآداب وتسجيلات صوتية، ومكالمات جنسية لها مع أحد الأشخاص.
تحقيقات بلوجر حلوان
س: ما تفصيلات بلاغك؟
ج: اللي حصل إني في يوم وأنا راجع بيتي فوجئت بوجود فلاشة ملصقة على باب الشقة في ظرف وأنا ومراتي مكناش في البيت وبعدين أخدت الفلاشة وفي نفس اليوم روحت شغلي وبعدين شغلت القلاشة وشاهدت المحتوى الموجود عليها بالكامل ولقيت فيها فيديوهات وصور ومكالمات لزوجتي مع شخص غريب في أوضاع مخلة، وبعدها قمت بالاتصال بزوجتي سألتها فينك قالت إن هي عند والدتها وسألتها هترجعي إمتي قالت أنا راجعة النهاردة البيت وقلت لها مفيش مشكلة نتقابل بالليل في البيت، بعدين رجعت البيت وأخذت اللاب توب بتاع الشغل والفلاشة ورجعت البيت وبعدين سألتها في حاجة إنتي مخبياها عليا قالت لا.
وأردف: وبعدين قلت لها أنا سمعت كلام عليكي مش كويس وهي أنكرت وقالت ده حد مفروس مني عشان أنا مشهورة وناس متغاظة مني وبعدين شغلت الفلاشة أمامها، وبعد ما شافت الفلاشة قالت لي إيه يعنى ما تقول إنك عارف وشفت الفلاشة ليه بتلف وتدور في الأول وقالت أنا آه إيه المشكلة، بعدين هي قالت لا أنا أول ولا آخر واحدة أعمل كده وبعدين قالت لفظ وحش وقالت لي أهلي عارفین كده وبعدين سألتها الواد ابن مين قالت ملكش دعوة ولو قربت منه هلبسك مصيبة وبعدين أخدتها وروحت لأبوها وبعدين قلت لأبوها اتفرج على الفلاشة وقلت له عاوز أعرف حقيقة الواد وبعدين قالي أصبر واديني يومين وبعدين نحل، بعدين مشيت وبعدين لقيت اتصالات كثيرة تهديدات ومنهم واحد جارهم في العمارة، كلمني وطلب مني إنهاء الموضوع بشكل ودي وأنا رفضت وعملت محضر وهو ده كل اللي حصل.
س: متى وأين حدث ذلك؟
ج: أنا لقيت الفلاشة على باب شقتي في 9 عمارات سيماف الدور الرابع أمام قصر الثقافة يوم 2023/8/8.
س: ما هي علاقتك بشروق نصار؟
ج: هي زوجتي.
س: متى تزوجت من سالفة الذكر؟
ج: أنا كتبت كتابي عليها يوم 2022/3/18 ودخلت عليها في 2022/5/26.
س: ما هي طبيعة العلاقة الزوجية بينكم منذ الزواج؟
ج: هي كانت علاقة عادية وكانت مستقرة.
س: هل تلك العلاقة ما زالت قائمة؟
ج: لا لأنها أول لما عرفت إني عملت محضر زنا رفعت عليا قضية خلع.
س: متى قمت بتحرير المحضر ضد المشكو في حقها؟
ج" أنا حررت المحضر بتاريخ 2023/8/19.
س: متى قامت سالفة الذكر برفع قضية الخلع؟
ج: هي قامت برفعها بتاريخ 2023/9/7 وقيدت برقم 9687 لسنة 2023.
س: وما الذي آلت إليه تلك الدعوى؟
ج: هي اتحكم لها بالخلع بتاريخ ٢٠٢٣/١١/٢٥.
س: وما هي كيفية علمك بالخلع؟
ج: أنا مفيش حاجة جات لي بس أنا عرفت من على الفيس بوك.
س: هل نتج عن علاقتك الزوجية أطفال؟
ج: أيوه أنا خلفت منها ابنى أحمد مختار.
س: وما هو عمر نجلك تحديدا؟
ج: ابني عنده إحدى عشر شهر.
س: أين يوجد نجلك؟
ج: هو موجود مع أمه.
س: وما هي الإجراءات التي قمت باتخاذها عقب علمك بقضية الخلع؟
ج: أنا معملتش حاجة وماشي في إجراءات قضية الزنا عشان أنا شاكيها قبل الخلع.
س: وهل وقفت على شخص وواضع تلك الفلاشة على باب مسكنك؟
ج: لا مش عارف هو مين..
س: هل لديك أقوال أخرى؟
ج: أيوه أنا عاوز أقوال إني بتهم شروق بالزنا مع المدعو عمرو وأنا عاوز أكمل الدعوى الزنا ضدها.
س: هل ما زالت لديك أقوال أخرى؟
ج: أيوه أنا عاوز أقول إن الفلاشة اللي أنا مقدمها في المحضر أنا بالتنازل عن بعض محتوياتها وبتعهد بتقديم فلاشة بيها دليل قاطع على خيانة زوجتي عليا وقت ما كانت على ذمتي.
