مكون من 5 أغنيات.. عنبة يكشف تفاصيل ألبومه الجديد وموعد طرحه
كشف مطرب المهرجانات عنبة، تفاصيل ألبومه الجديد المكون من 5 أغنيات، والمقرر طرحه بداية من يوم وقفة عيد الأضحى المقبل.
وكتب عنبة، منشورًا يكشف من خلاله أسماء أغاني الألبوم عبر خاصية ستورى على حسابه الشخصي بموقع انستجرام، وقال: طب تحبوا اسمى الألبوم إيه؟! هيبقى 5 أغاني إن شاء الله عم الحته، سیطرة، بالحب، المعلم، ضد العالم دی أسماء الأغاني وقفة العيد ميعادنا على اليوتيوب.
عنبة يعلق على أزمة عصام صاصا
وعلى جانب آخر، علق عنبة، على أزمة مطرب المهرجانات عصام صاصا الأخيرة إثر اتهامه بدهس شاب ووفاته أعلى الطريق الدائري بالجيزة.
وقال عنبة خلال فيديو نشره عبر حسابه الشخصي بموقع تبادل الصور والفيديوهات انستجرام: أول حاجة إنا لله وإنا إليه راجعون، أنا طالع بقدم خالص التعازي لأسرة ضحية حادث عصام صاصا ربنا يرحمه ويصبركم، أنا حاسس بيكم لأن بنت عمي ماتت من 4 سنين أو أكتر وهي في زهرة شبابها وهي بتعدي برضه العربية خبطتها وجريت محدش وقف ليها.
وتابع عنبة: أنا عارف إن مفيش فلوس في الدنيا هتعوض ابنكم، ورسالتي لأهل الضحية أنا مش بلومكم في حاجة ربنا يصبركم موقف صعب أنتم مدمرين نفسيًا هنا وهو مدمرنفسيًا بس اللي عايزه أقوله هو مش بيخبط أي حد ومش بيدوس على الناس بفلوسه.
واختتم عنبة حديثه: بلاش حد يفهمكم حاجة عن الراجل اللي أنتم مش شايفين حالته بسبب الحادثة دي، الله يرحم الشخص اللي مات، الناس اللي على النت طالعين بس عاملين ينتقدوا فيه ومحدش مهتم يدعى للراجل، وده اسمه استغلال وتريند أبوس أيديكم يا تعزوا الناس لتسكتوا أفضل.
