رئيس شركة الأهلي: ندشن اليوم مشروع القرن الحقيقي.. وأراهن على جمهور القلعة الحمراء
حرص محمد كامل رئيس مجلس إدارة شركة القلعة الحمراء على الحديث بشأن مشروع القرن، وأهمية المشروع للنادي الأهلي وتوجيه رسالة لـ جمهور القلعة الحمراء.
تصريحات محمد كامل
وقال محمد كامل في حفل تدشين مشروع القرن لـ النادي الأهلي: الحمد لله، إحنا بقالنا في المشروع ده سنتين ونصف، محدش فينا كان عنده شك إنه يوصل للمرحلة دي.
وأوضح: كلنا كان نفسنا نوصل للمرحلة والنقطة دي، المشروع ده بدأ بخطوة جديدة إنه إزاي جمهور الأهلي مايبقاش عنده ستاد، والفكرة بدأت من فترة طويلة وخدت وقت طويل.
وأكمل: وبنبارك للأهلي الفوز ببطولة دوري أبطال إفريقيا، وجمهور الأهلي بيسأل إمتى هنلعب في الاستاد الجديد.
وأضاف: كنا بناسبق الزمن إحنا وكل فريق العمل، وكابتن محمود الخطيب كان بيسابق الزمن، ومشروع القلعة الحمراء هو مشروع القرن الحقيقي.
وزاد: أنا براهن على جمهور الأهلي أعظم جمهور في الكون، وبنلاقي جمهور الأهلي هو الدرع وهو السند، جمهور الأهلي بيطبطب عليا في وقت من الأوقات، وانا جاي عشان تسديد الدين لـ جمهور النادي الأهلي العظيم.
وأتم محمد كامل تصريحاته قائلا: 12 مليار جنيه حجم مشروع القرن، الاستاد هيقام على 43 فدان عندنا مستشفى وعندنا جامعة رياضية ومدرسة رياضية، وعندنا فندق ومتحف، وأخيرا جمهور الأهلي العظيم هو اللي هايبني ستاد النادي الأهلي.
