عشيق زوجة بدر الخائنة: عملنا محضر تغيب بعد ما قتلناه عشان محدش يشك فينا
كشفت التحقيقات تفاصيل جريمة مقتل شخص بمدينة بدر، والمتهم فيها سيدة وعشيقها، بإنهاء حياة زوجها وتقطيعه داخل 11 كيس، من أجل الخلاص منه ليخلوا لهما الجو، ولم يكتفيا بما ارتكباه بل مارسا الجنس بجوار جثمان المجني عليه ياسر، زوج المتهمة الأولى فاطمة، وابن خالة المتهم الثاني سيد.
اعترافات المتهمة وعشيقها بإنهاء حياة زوجها وتقطيعه في بدر
ويواصل القاهرة 24 نشر التحقيقات في جريمة بدر، والتي تضمنت ما يلي: فاطمة كلمتني واتفقنا إننا نموت ياسر وتخلص منه، وقولتها هاتي منوم وقولتها على اسم المنوم تجيبه من الصيدلية وتحطه لـ ياسر في الأكل، وفعلا جبته وحطته لـ ياسر حبتين أو تلاتة، وكلمتني في التليفون وقالتلي إنها حطت المنوم لـ ياسر وهو نام وتعالى، وفعلا روحتلها حوالي العصر، دخلت الشقة بتاعة ياسر وهي فتحتلي الباب، ودخلت لقيت ياسر نايم في الأوضة بتاعته، وأنا قولتلها هنخلص من ياسر، لقيتها بتقولي لازم تخلص منه النهاردة عشان لو ماخلصتش النهاردة، هسيبك أنت وهو وههرب.
وجاء نص التحقيقات كما يأتي:
س: كم عدد الأقراص المنومة التي وضعتها المتهمة للمجني عليه آنذاك؟
ج/ حوالي قرصين أو ثلاثة في الأكل، في كل مرة كنت بروح أنام معاها ويوم الواقعة اديته 3 أقراص في الأكل، وكل ما يصحي تديله قرص لحد ما خلصت الشريط عليه.
س: وما الحالة التي كان عليها المجني عليها حينها؟
ج/ دخلت لقيت ياسر نايم في الأوضة بتاعته على السرير بتاعه، وكان لابس جلابية مش فاكر لونها.
س: وهل من ثمة حوار دار بينك وبين المتهمة حينها؟
ج/ أيوة أنا قولتلها هنخلص من ياسر لقتها بتقولي لازم نخلص منه النهاردة، عشان لو ما حصلش النهاردة هسيبك أنت وهو وههرب من هنا خالص، وأنا سعتها مكنتش عايز أقتل بس لما هي قالتلي إنها هتهرب هو ده اللي خلاني أقتل ياسر، وفعلا بيت النية أنا وفاطمة على قتل ياسر، وقولتلها إنزلي ربع ساعة وهكلمك هكون خلصت.
س: وما هي الأفعال التي بدرت منك حينها؟
ج/ دخلت على الأوضة وهو نايم وأنا قولتلها إنزلي تحت، ولما أخلص وأقتله هرن عليكي تطلعي، ولقيت عصاية يد كوريك في البيت، مسكتها وضربت ياسر على دماغه 3 مرات.
س: ومن أين استحصلت على تلك العصا الخشبية؟
ج/ كانت موجودة في البيت عندهم.
س: وكم عدد الضربات التي كلتها للمجني عليه آنذاك؟
ج/ 3 ضربات.
س: وأين استقرت تلك الضربات؟
ج/ في دماغه.
س: وما الذي حدث عقب ذلك؟
ج/ بعدين لقيت دماغه بتجيب دم وقاطع النفس، ورنيت على فاطمة قولتلها اطلعي خلاص الموضوع خلص وقتلته.
س: وما هي الأفعال التي بدرت منك آنذاك؟
ج/ تاني يوم قولتلها روحي هاتي أكياس وهاتي سكينة، وجابت الأكياس والسكينة واختهم منها، وبعدين دخلنا الجثة الحمام وأنا قولتلها بعدها اطلعي أنتي برا الحمام وقولتلها هاتي المخدة والقطن، وجابتهملي ودخلت بيهم الحمام، وقطعت جسم ياسر كله.
س: وما هي المدة الزمنية التي استغرقتها في تقطيع جثمان المجني عليه؟
ج/ حوالي ساعتين ونصف كنت بقطع فيه بالسكينة.
س: وكيف تخلصتما من جثمان المجني عليه آنذاك؟
ج/ لما أنا قطعت جسمه كذا قطعة وحطتهم في أكياس بلاستيك لونهم أسود، ونزلنا أنا وهي الأكياس دي، روحنا رمينها في صناديق الزبالة جنب البيت.
س: وما الذي حدث عقب ذلك؟
ج/ بعد ما خلصنا من الأكياس على 3 أيام كنا بنرميهم في صناديق الزبالة، وطلعنا الشقة تاني ونمنا مع بعض وعملنا علاقة وأنا مشيت وروحت الشغل، وكنت بتابع معاها في التليفون، واتفقنا إن احنا نقول لأهل ياسر في البلد، إنه مختفي، وهي اتصلت وقالت لهم إنه مختفي، وأهله قالولها روحي اعملي محضر تغيب، وأنا قولتلها فعلا روحي اعملي كده، عشان يبقى الموضوع طبيعي ومحدش يشك فينا، وفعلا راحت عملت محضر تغيب والضابط طلب منها تجيب صور ياسر وجبتها، وراحت تاني يوم القسم، وبعدين أهل جوزها جم من البلد، وأنا كنت بكلم فاطمة، اعرف منها اللي حصل وأخوه فاطمة رن عليها في التليفون، وقالها تعالي البلد، وهي كانت بتلم الشط وأهل جوزها، بلغوا القسم إنهم شاكين في فاطمة، وعرفت إنها اتمسكت في القسم.
