بكاء أحمد ماهر أثناء حديثه عن نجله: حنين عليا أكتر من أخوه.. بيحسسني إنه أبويا
تحدث الفنان أحمد ماهر، عن علاقته بـ نجله الفنان محمد أحمد ماهر، مؤكدًا أنه بار به دونًا عن إخوته، معربًا عن حبه الكبير له.
وقال أحمد ماهر، في حواره مع الإعلامي عمرو الليثي، في برنامج واحد من الناس: أنا كان نفسي يكون عندي بنت أوي، لأني شوفت تعامل والدي مع أختي البنت كان بيدللها الدلال وكل الهنا للبنوتة، فمن عشق أبويا ليها حبيت البنوتة.
وتابع أحمد ماهر باكيًا: أنا ومحمد اتصاحبنا من بعد 3 إعدادي، والنهارده محمد مش ابني، محمد النهارده أبويا، هو اللي بيحرص على حاجات أنا مش واخد بالي منها، فأنا مشوفتش هذه الحنية إلا هنا، أخوه مش كده، الحنية هنا كما لو أنه أنجبني مش العكس.
وأضاف أحمد ماهر: أنا قضيتي إن فيه أشياء من المفترض أن الأب هو اللي بيباشرها مع ابنه، وهو اللي بيباشرها معايا أنا، وعلى سبيل المثال كان بيقولي تعليمات في فترة كورونا كأن هو اللي خلفني، أني مسلمش على حد ولا أتصور مع حد ولا أمسك الأشياء، وألبس الكمامة، واكتشف أنه بيسأل أصحابي بالتليفون هل أنا نفذت التعليمات ولا لأ، ربنا يقعده له في عياله، أنا حاسس أن هو اللي خلفني.
آخر أعمال أحمد ماهر
وعلى جانب آخر، يعتبر مسلسل صيد العقارب، الذي عرض في السباق الرمضاني الماضي 2024، هو آخر أعمال الفنان أحمد ماهر، والعمل من بطولة: الفنانة غادة عبد الرازق، رياض الخولي، أحمد ماهر، سيمون، ميار الغيطي، وغيرهم، والعمل من تأليف باهر دويدار، وإخراج أحمد حسن.
