سائق أوبر المتهم في واقعة فتاة التجمع: كل اللي حصل بسبب الحساب فيزا ولا كاش | تحقيقات
كشفت اعترافات سائق أوبر المتهم في واقعة فتاة التجمع، باختطاف ومحاولة اغتصاب المجني عليها نبيلة عوض، الحديث الذي دار بين الطرفين، داخل سيارة أوبر، وسبب المشادة الكلامية بينهما، وحقيقة إقدام المتهم على هتك عرض الضحية من عدمه.
اعترافات سائق أوبر في واقعة فتاة التجمع
وجاء نص اعترافات السائق، بحسب ما تضمنته التحقيقات كما يأتي:
س: ما الذي حدث عقب دلوفها داخل السيارة؟
ج: هي متكلمتش وأنا اتحركت بالعربية وخرجت من بوابة الكمبوند وركنت، ونزلت أجيب الرخصة من الأمن وبعد كد ركبت العربية ومشينا.
س: في أي موضع جلست “فتاة التجمع” داخل السيارة رفقتك؟
ج: هي جلست ورايا من الناحية اليمني ورا كرسي اللي بيبقي راكب جنبي.
س: هل من ثمة حوار دار بينكما عقب استلامك الرخصة خاصتك وتحركت عقب ذلك؟
ج: هو لما فتحت البرنامج علشان أشوف الطريق وأبدأ الرحلة لقيت الرحلة فيزا فطلبت منها أن هي تحاسبني كاش فردت عليا وقالت أنا معيش كاش وأنا أختى اللي طلبتلي الرحلة، وأنا معرفش حسابها كام عشان أحاسبك كاش، وبعدين اديتها التليفون بتاعي وفتحتلها برنامج أوبر كأني عميل مش سائق وقلتلها تكتب العنوان اللي هي رايحه عنده.
س: ما هو سبب طلبك من “فتاة التجمع” بإعطائك مبلغ الرحلة كاش بدلا من فيزا؟
ج: هو علشان الفيزا بتاخد وقت على ما الشركة تحوله ليه إنما في الكاش باخذه أنا على طول.
س: هل وافقت فتاة التجمع على ذلك؟
ج: هي قالتلي إن مش هي اللي طلبت الرحلة وإن أختها اللي طلبتها وإن هي متعرفش حسابها كام وإن هي ممعهاش فلوس کاش.
س: ما التصرف الذي بدر منك آنذاك؟
ج: أنا فتحت برنامج أوبر على الموبيل كإني عميل مش سائق وإديتها التليفون وقلتلها تاخذه تكتب العنوان اللي هي رايحه ليه.
س: وما هو سبب إعطائك سالفة الذكر الهاتف المحمول الخاص بك؟
ج: علشان تكتب العنوان بتاع الرحلة وأشوف حسابها كام فلوس وتحولهملي على المحفظة علشان تعتبر الرحلة كاش مش فيزا.
س: هل وافقت سالفة الذكر على طلب ذلك بأخذ الهاتف المحمول منك وتدوين العنوان؟
ج: أيوه هي اخدت التليفون مني ولسه ها تكتب قالتلي لا مش هكمل الرحلة.
س: وما الذي حدث عقب ذلك؟
ج: هي قالت نزلني هنا أنا مش هكمل.
س: وما التصرف الذي بدر منك آنذاك؟
ج: أنا ركنت على جنب الطريق، وكل اللي حصل بسبب الحساب فيزا ولا كاش.
