الراقصة صافيناز تعلن إصابتها بتسمم: كنت بين الحياة والموت | خاص
كشفت الراقصة صافيناز، تفاصيل تعرضها لحالة تسمم حاد، أدى إلى دخولها أحد المستشفيات الكبرى، مطالبة من جمهورها الدعاء لها بالشفاء العاجل.
صافيناز: كنت بين الحياة والموت وربنا نجاني
وقالت صافيناز في تصريحات لـ القاهرة 24: جالي تسمم من أكلة سمك من مطعم مصري، وكنت في المستشفى لمدة يومين بين الحياة والموت ومركبة محاليل وربنا نجاني.
وواصلت صافيناز: أنا حاليًا حالتي الصحية أفضل، وأول مرة يحصلي كده، بالرغم إني كنت في مطعم مشهور، وبروح آكل عنده دائمًا.
صافيناز: متقارنوش الراقصات المحترمات باللي بتشوفوهم في الساحل
على جانب آخر، أعربت صافيناز مؤخرًا عن استيائها من تشبيهها بالراقصات اللائي يثيرن جدل في حفلاتهم بالساحل الشمالي، إذ أكدت أنهن ليسوا راقصات محترفات، واصفةً هذه الراقصات بـ الريكلام، مشيرة إلى أن تشبيهها بهن إساءة كبيرة.
وقالت صافيناز في تصريحاتها لـ القاهرة 24: الراقصة لازم تاخد بالها من لبسها، واللبس يكون مريح ومحتشم، بيجيبوا ناس مبيعرفوش يقفوا على المسرح، أي واحدة معاها 500 جنيه، بتجيب بدلة رقص وتروح الساحل، وتبقى راقصة، وبعد كدة بيقولوا الراقصات غالية!، لأ معلش متقارنوش الناس المحترمة بالـ أي كلام اللي طالعة من كباريه، الراقصة اللي بجد تحت.
وفي وقت سابق، ردت صافيناز على الانتقادات التي تتعرض لها بسبب جرأتها في الرقص والملابس، حيث قالت خلال تصريحات تلفزيونية: رقصي مفيهوش إغراء.. ولو قارنا بين راقصات زمان ودلوقتي هنلاقي زمان كان فيه إغراء أكثر.. والراقصات كانوا بيلبسوا بدل من غير شورتات.. لكن إحنا على الأقل بنلبس شورت.
