منظمة حفل عصام صاصا بالإمارات لمنتقديه: كل يوم ناس بتموت على الطريق وبيدفعوا 250 جنيه ويمشوا
ردت منظمة حفل مغني المهرجانات عصام صاصا على انتقادات الجمهور، لتقديمه حفلا جديدا في الإمارات يوم 8 يونيو، بالتزامن مع إحالته إلى محكمة الجنايات، بعد ثبوت تعاطيه مواد مخدرة أثناء القيادة للسيارة، خلال حادث الدائري.
وكتبت منظمة الحفل، عبر حسابها الشخصي بموقع تبادل الصور والفيديوهات انستجرام: أتمنى الناس اللي بتحب عصام اللي هما ملايين، تقف جمبه وتدعمه وكفاية ظلم فيه شوية كلنا ومش بستثنى حد بنغلط لو فكرنا بس.
وتابعت: كل يوم كام حادثة على الدائري وناس بيموتوا اللي سايق بيدفع 250 جنيه وبيمشي، وهقولكوا على حاجة مهمة عصام كان معاه كل اصحابه، لما وقف قالولوه امشي وهنقول أي حد فينا ساق قالهم لأ، ولو كان وافق مكنش زمان حد سمع عن الحادثة دي أصلًا بس هو علشان راجل قرر يواجهه فكفاية والله العظيم حرام اللي حصل فيه ده کله.
حفل عصام صاصا في الإمارات
وكانت ونشرت صفحة المسرح عبر حسابها الشخصي على موقع تبادل الصور والفيديوهات إنستجرام، البوستر الترويجي لـ حفل عصام صاصا في دولة الإمارات العربية، والمقرر إقامته يوم 8 يونيه المقبل.
وسبق وحصل القاهرة 24، على أمر إحالة عصام صاصا إلى الجنايات، والذي كشف أنه يوم 6 مايو أحرز المتهم بقصد التعاطي جوهر مخدر الحشيش في غير الأحوال المصرح بها، وأحرز بقصد التعاطي جوهر مخدر الأميتافين والميثا ميفيتامين في غير الأحوال وأحرز بقصد التعاطي جوهر الترامادول.
