كهربا: العلاقة بين الزمالك والأهلي جيدة.. وبشكر الكابتن حسين لبيب
حرص محمود كهربا لاعب الفريق الأول لكرة القدم في النادي الأهلي على توجيه رسالة شكر، إلى الكابتن حسين لبيب رئيس نادي الزمالك.
تصريحات كهربا
وقال كهربا في تصريحات مع الإعلامي سيف زاهر: عايز أشكر الكابتن حسين لبيب ومجلس الإدارة ومفيش عندي مشاكل مع الزمالك ولا جمهوره، والعلاقة بين إدارة الأهلي وإدارة الزمالك جيدة جدا.
وأضاف: ياريت نعمل ماتش ودي بين الزمالك والأهلي وتكون كل الإيرادات للجماهير تروح لـ أهلنا في فلسطين وغزة، والجمهور يكون كله جنب بعض.
وأكمل لاعب الأهلي: بالنسبة لغرامة الزمالك فأنا دفعت جزء كبير أوي فيها، ومكلمتش حد قولتله يديني حاجة، ولكن بشكر المهندس نجيب ساويرس وقف معايا ودعمني وفيه ناس تانية وقفت جنبي ولكن بطرق تانية عن طريق الإعلانات وكده.
وأردف محمود كهربا: مكلمتش حد من لاعيبة الزمالك باركتلهم على الكونفدرالية، ومفيش لاعب من الزمالك كلمني باركلي على دوري الأبطال، وبحلم أفوز مع الأهلي بكأس العالم للأندية، ومفيش جيل عمل اللي إحنا عملناه والجيل الحالي يقدر يعمل بطولات كتير أوي.
وعن إصابة علي معلول، اختتم كهربا تصريحاته قائلًا: أول ما علي معلول وقع وجيه جنبي على الدكة بعد الإصابة أنا عيطت، ومكنتش مركز في الماتش وأغمي عليه وأنا حاضنه، وإن شاء الله علي معلول هيجدد وأهلاوي صميم، ولما إتصاب حطيت نفسي مكانه فصعبت عليا نفسي، وبكيت قبل مباراة الزمالك والأهلي بعد الإيقاف اللي حصلي، وربنا أراد أرجع بعد الإيقاف بعد ما كنت هابطل كورة، وبكيت في مرة وأنا في الزمالك أمام فريق النجم الساحلي في نصف نهائي الكونفدرالية 2019، بعد التأهل إلى المباراة النهائية.
