مش عايز أغلط وأزعلك.. عدوية شعبان عبد الرحيم يهاجم رضا البحراوي بسبب غنائه أغنيته صغير أنا
هاجم الفنان الشعبي عدوية شعبان نجل المطرب الشعبي الراحل شعبان عبد الرحيم، المطرب رضا البحراوي بعد غنائه أغنيته الأخيرة صغير أنا في أكثر من حفل زفاف ما جعل عدوية يعرب عن استيائه من ذلك الأمر.
وقال عدوية شعبان عبد الرحيم، خلال مقطع فيديو، عبر حسابه الشخصي بموقع التواصل الاجتماعي فيسبوك: يا رضا أنا قولتلك متغنيش الأغنية بتاعتي تاني صغير أنا علشان أنت كدة بتخسرني.
وأضاف عدوية: أنا مش عايز أغلط لحد دلوقتي وأزعلك مني، قلت لك هتغني الأغنية دي في الشغل يبقى تيجي تغنيها معايا في الاستوديو لكن أنت رفضت.
واختتم عدوية: يبقى تبعد عني عشان أنا وحش أنت مش هتنفع معايا، الأغنية من ألحاني وكلمات إسلام خليل وتوزيع أشرف البرنس، متغنيش تاني الأغنية وابعد عشان هتزعل مني.
وعلى جانب آخر، ظهر رضا البحراوي مؤخرًا في أكثر من حفل زفاف وهو يقدم أغنية صغير أنا، حيث حققت الأغنية انتشارا كبيرا على السوشيال ميديا خلال الساعات الماضية.
وفي سياق مختلف، كشف المطرب الشعبي رضا البحراوي تفاصيل أزمته في مسلسل محارب، بطولة الفنان حسن الرداد، والذي عرض في السباق الرمضاني 2024، بجانب الكشف عن سبب رفضه عمل أغاني على طريقة الدويتو.
وقال رضا البحراوي، في لقائه مع الإعلامية ياسمين عز، في برنامج كلام الناس، المذاع عبر شاشة قناة MBC مصر: ساعة مسلسل محارب حصل وش كتير إني أتشال من المسلسل وربنا مبيتحاربش، نحب بعضنا بس مفيش حاجة دايمة لحد وأهم حاجة حب الناس، أنا ماليش أعداء إلا ابن كاري، لكن في الشارع الناس بتحبني وأنا بحبهم وأنا مش شاغل بالي بـ ابن كاري.
