ميمي جمال: مش صغيرة في السن عشان أفكر بالزواج.. وحسيت بالفراغ بعد وفاة حسن مصطفى
كشفت الفنانة ميمي جمال، سبب ابتعادها عن التمثيل بعد وفاة زوجها الفنان الراحل حسن مصطفى، بجانب الحديث عن موقفها من تجربة الزواج.
موقفها من الزواج
وقالت ميمي جمال خلال لقائها في برنامج مع خيري، الذي يقدمه الإعلامي خيري رمضان عبر قناة المحور:أنا مش صغيرة في السن عشان أفكر في الزواج، مفيش حاجة اسمها ونس أنا عندي ولادي بالدنيا.
سبب ابتعادها عن الفن لمدة 6 سنوات
وبشأن وفاة زوجها الراحل حسن مصطفى، أكدت ميمي جمال: قعدت 6 سنين بعد وفاة حسن مصطفى، ماكنتش قادرة أشتغل.. ماكنتش قادرة أخرج من الوضع، وأنا كنت قاعدة معاه في البيت السنة اللي بعد موته كنت بقعد في مكان وأجي أبص ملاقيش جنبي حد، وكنت بقوله كل يوم لفترة تصبح على خير.
وتابعت ميمي جمال حديثها: حسيت بالفراغ، كان في حاجة معايا مكملاني نص الهوا اللي في صدري راح، في حاجة راحت.
أعمال ميمي جمال الجديدة
وعلى جانب آخر، أكدت ميمي جمال في تصريح لـ القاهرة 24 مؤخرًا، تعاقدها على فيلم وفيها إيه يعني بطولة غادة عادل وماجد الكدواني.
ميمي جمال وغادة عادل
وقالت ميمي جمال في تصريح خاص لـ القاهرة 24: بدأت منذ أيام تصوير أولى مشاهدي في فيلم وفيها إيه يعني، وأظهر من خلاله بشخصية والدة غادة عادل، والعمل تدور أحداثه في إطار اجتماعي كوميدي ومن إنتاج أحمد الجنايني.
