محمد الحلو: مش هعمل حفلات في الأوبرا غير باعتذار.. ولا يوجد خلافات مع علي الحجار
شارك محمد الحلو، اليوم، في إحياء حفلا للموسيقار عمار الشريعي في دار الأوبرا المصرية، والذي شهد تفاعلا كبيرا من الجمهور.
محمد الحلو وخلافه مع دار الأوبرا
وعلى هامش الحفل، قال محمد الحلو في تصريح خاص لـ القاهرة 24: أنا النهاردة موجود علشان الحفلة لـ عمار الشريعي، ومقدرش أتأخر عليه لأنه أخويا وزميل الكفاح.
وعن غيابه مؤخرًا عن إحياء حفلات في الأوبرا، قال: لما يصالحوني هاجي وأعمل حفلات كتير، وأنا ضد فكرة الذكاء الاصطناعي مش فاهم يعني إيه حد ياخد صوتي ويحطه على فنان آخر ده تهريج.
وأضاف: جمهور المهرجانات مش هينتهي وهيزيد في الأيام القادمة، وجمهور الأوبرا هيفضل موجود.
وعن أزمته الأخيرة مع علي الحجار، قال: لا يوجد خلاف بيني وبين علي الحجار ولكن المشكلة كانت مع المايسترو المسؤول عن الأوبرا.
وسبق وعلق محمد الحلو على أزمة مشاركته في حفل عيد الحب مع علي الحجار، ضمن حفلات مشروع 100 سنة غنا، وذلك في دار الأوبرا المصرية، حيث كان من المقرر مشاركته في الحفل.
وقال الحلو خلال مقطع فيديو نشره نجله حمادة الحلو عبر حسابه الخاص فيسبوك: المفروض كنت مع حفلة أخويا وحبيبي وصديق عمري أستاذ علي الحجار، بس أنا روحت واكتشفت إن الأغنية اللي هغنيها هي أغنية لا مش أنا اللي أبكي للأستاذ محمد عبد الوهاب، فلقيت طبقة غير طبقتي واطية جدًا طبقة نسائية.
