السيسي: قالوا شوفوا مسجد السيدة زينب والحسين.. لما أرفع كفاءة مسجد يبقى أدهنه من برا وخلاص؟
قال الرئيس عبد الفتاح السيسي، رئيس الجمهورية، إن هناك عددًا كبيرًا من المواطنين المصريين يتساءلوا دائمًا عن إتمام المشروعات على أكمل وجه.
وتابع السيسي خلال حديثه على هامش افتتاح مشروع مستقبل مصر: “فيه كتير قالوا إن الحكومة والرئيس السيسي بيحبوا يعملوا كل حاجة زيادة عن اللزوم شوية، لا لا، ويقولوا شوف مسجد السيدة زينب والحسين".
وأضاف: “آه طبعًا هو لما أخش أعمل وارفع كفاءة مسجد أدهن من برة كده وخلاص، لا ده بيت ربنا، ميتعملش إلا صح، اللي عنده بيت ولا شقة بيخلهم زي الفل أجي أعمل بيت ربنا أي كلام؟، رغم إننا لما نيجي نعمل الحاجة بتاعتنا بنعمل أقصى ما يمكن بأقل تكلفة في أقصر وقت، ودي فكرة بدأنا بيها شغلنا من البداية”.
السيسي: شغلي أوّفر فرصة عمل للناس من 100 ألف جنيه لمليون.. وممكن تزيد
وحرص الرئيس عبد الفتاح السيسي رئيس الجمهورية، على مخاطبة القطاع الخاص بالمشاركة في المشروعات التنموية التي تنفذها الدولة، موجها حديثه للمستثمرين: بقول للمستثمرين أنت مستعد تشاركني في مشروعات تكلفة البنية الأساسية ليها عالية شوية، بس نوفر ونحافظ على المية.
وأضاف السيسي خلال حديثه على هامش افتتاح مشروع مستقبل مصر: كلامي للقطاع الخاص، اعمل مشروع مش بيكسب كتير بس فيه عمالة كتير ده ربح يتحط.. وأنا بعتبره مكسب مالي، أنت مش بتحسب جالك كام جنيه.
وتابع رئيس الجمهورية: من ضمن الدخل بتاعي حققت إيه وشغل 100 ألف إنسان وراهم 100 ألف أسرة، وده مكسب مالي، لأن شغلي كدولة أوفر فرصة عمل للناس، وبقول فرصة عمل من 100 ألف جنيه لمليون وممكن تزيد أكتر.
