المتهمة الثانية بخطف نجل وزير أسبق: احتجز جوزي وطلب منه علاقة يا إما يطلّعه حرامي| خاص
كشفت التحقيقات في واقعة خطف ع. ح، نجل وزير أسبق، تفاصيل مثيرة بشأن واقعة اختطافه بالتحايل والإكراه، إذ تبين وجود علاقة صداقة بين المجني عليه والمتهم الأول، عرف من خلالها المتهم أن الضحية ميسور الحال، فشكّل مع باقي المتهمين تشكيلًا عصابيًا مكونًا من 10 أشخاص لخطفه.
تفاصيل مثيرة حول اختطاف نجل وزير أسبق
القاهرة 24 حصل على نص التحقيقات في واقعة الخطف الشهيرة التي وقعت في أكتوبر، في القضية رقم 11917 لسنة 2023، والمقيدة برقم 2233 لسنة 2023 كلي أكتوبر.
وقالت مي. س المتهمة الثانية بواقعة خطف نجل وزير أسبق: يوم 15/9/2023 كنا في طنطا في بيت والدي وهناك محمد عرف إن مامته تعبانة، وقالي إنه عايز يأجر عربية عشان ينزل بيها القاهرة يطمن على أمه - وفعلًا روحت معرض إيجار سيارات وأجرتله العربية باسمي لمدة 24 ساعة، وأخدنا عربية كيا سودا ومحمد مرضيش يخلني أسوق وجبنا سواق أسمة حمادة ومحمد أتفق معاه أنه هيوصنا القاهرة.
وأضافت مي. س المتهمة الثانية بواقعة خطف نجل وزير أسبق: ولما وصلنا القاهرة سيبت حماد ومحمد جوزي على نزلة الدائري - بتاعت بشتيل وأخدت تكوتوك عشان كنت رايحة عند والدة محمد عشان أشترى كتب، ومحمد جوزي كمل مع السواق اللي اسمة حمادة ولما وصلت عند أم محمد جوزي لقيت محمد بيتصل بيا على الساعة 10:30 بالليل وبيقولي إن نجل وزير أسبق بيهدده إنه لو معملش معه علاقة هيخرجه من الكومبوند حرامي.
وأكملت المتهمة الثانية بواقعة خطف نجل وزير أسبق: محمد قالي إنه في الفيلا عند نجل وزير أسبق في الكومبوند – وقالي اتصلي ب محمد ع و، على.ج، وع.، وقولتلهم يجولي عند الكومبوند وبعتلي اللوكيشن، وبعتلي حمادة السواق بالعربية الكيا اللي أجرتها وفعلا جوالي عند حديقة "سفاري بارك" اللي عند كوبري عرابي، وحمادة أخدنا وطلعنا على اللوكيشن ومعرفناش نوصل للمكان اللي في محمد جوزى فيه وفضلنا واقفين عند كمبوند بالماهيلز لحد لما لقينا محمد طالع سايق العربية بتاعت نجل وزير أسبق ومحمد جوزي اللي كان ماشي قدام واحنا مشينا وراه ومحمد ركن العربية والكلام ده كان على الساعة 2:30 صباحا.
وأردفت المتهمة الثانية بواقعة خطف نجل وزير أسبق: راح محمد.ع وعلى.ج وعبد الله نزلوه من العربية الكيا وركبوا مع محمد جوزي عربية نجل الوزير الأسبق، وعبد الله ركب تاكسي ومعرفش راحوا على فين، وأنا أخدت حمادة السواق ووصلني عند أم محمد جوزي في بشتيل، وأنا قعده عند أم محمد، وفي الساعة 4 الفجر تقريبًا اتصل بيا محمد وقالي هاتي تيشيرت وتعاليلي على المستشفى في المهندسين وبعديها بشوية لقيت حمادة السواق جه وأخدني ووداني شارع جامعه الدول، ولما روحت شارع جامعة الدول قصاد بنك الس أي بي لقيت محمد جوزي والتيشريت بتاعه كان مليان دم في ضهره ادانى فيزة لبنك سي أي بي وقالي اسحبيلي سبعة آلاف واداني رقم السري بتاع الفيز وفعلًا سحبت المبلغ زي ما قالي واديتهوله وبعديها سحبت 7 آلاف تاني وركبت مع حمادة السواق وهو ركب العربية المرسيدس وطلعنا.
