بشرط التقنين.. عدي إبراهيم لـ العربية: أم كلثوم هتعيش إلى قيام الساعة حال استمرار الذكاء الاصطناعي
استنكر الكاتب الصحفي عدي إبراهيم، مدير تحرير القاهرة 24، تدخل الذكاء الاصطناعي في صناعة المزيكا، وإذا تطلب الأمر ذلك لابد من وجود شروط وتقنين لهذه الصناعة.
وفي فيلم وثائقي أنشأته قناة العربية عن دخول الذكاء الاصطناعي في صناعة المزيكا، قال عدي إبراهيم، إنه يجب تقنين صناعة المزيكا بالذكاء الاصطناعي، موضحا: أم كلثوم توفيت من عشرات السنين ولسه لها أغاني على الأنترنت جديدة وفيه ناس متعرفش عنها حاجة، ولو استمر الموضوع هنلاقي أم كلثوم عايشة إلى قيام الساعة.
وأكد عدي إبراهيم، على تقنين الذكاء الاصطناعي بالتعاون مع نقابة المهن الموسيقية، عن طريق إنشاء شعبة للذكاء الاصطناعي، وذلك لحفظ حقوق صاحب الصوت ومنشئ المحتوى، قائلا: عمرو دياب صوته متاح ولو غنى أغنية من الشعر العباسي هيبقى صوته حلو وفي نفس الوقت بيغني مهرجانات، يعني نتخيل أن عمرو دياب في حفل ما بيغني أغانيه، وفي نفس الوقت الذكاء الاصطناعي بيخليه يغني من الشعر العباسي ومن المهرجانات.. ده عبث.
عدي إبراهيم يطالب الموسيقيين بإنشاء شعبة لصناعة المزيكا بالـ Ai
وأضاف عدي إبراهيم: بطالب نقابة الموسيقيين بإنشاء شعبة خاصة للذكاء الاصطناعي بالتعاون مع القانون، عشان نبقى على أرض صلبة نقف عليها كلنا، ونبقى عارفين حق صاحب صوت اللي بيغني فين وحق المنشئ فين، لأن نفس الموضوع ده من 20 سنة قالوا إن الكمبيوتر هيقعد الناس في البيت، ولكن الموضوع عبثي مفيش الكلام ده ولازم يكون فيه تقنين عشان ميكونش فيه خلاف، ولو مفيش تقنين الخلاف هيكبر.
