أمينة الفتوى: اربطيه بالعيال مثل شعبي مخالف للشرع
أجابت هند حمام، أمينة الفتوى بدار الإفتاء المصرية، على سؤال عن الحكم الشرعي في المثل الشعبي "اربطيه بالعيال"، للمحافظة على الرجل وعدم زواجه أو طلاقه لزوجته؟.
أمينة الفتوى: اربطيه بالعيال مثل شعبي مخالف للشرع
وقالت أمينة الفتوى بدار الإفتاء المصرية، خلال تصريحات تلفزيونية، اليوم الاثنين: لو الأمر متعلق بكثرة عدد العيال فهو مخالف شرعا.
وواصلت: لكن وجود الأولاد نعمة فى البيت وبيجعل الطفل محور اهتمام أبويه والكل بيحاول جاهدا يحافظ على البيت علشان الطفل الصغير ده، لكن لو الأمر متعلق بكثرة الإنجاب عشان تربط الزوج فهذا خطا.
أهلي منعوني من الإنجاب لوجود مشاكل مع زوجي؟.. وأمينة الفتوى تجيب
وأجابت هند حمام، أمينة الفتوى بدار الإفتاء المصرية، على سؤال متصلة على النحو التالي: فيه خلاف مع زوجهي ولديهي منه طفل وأهلي نصحوني بعدم الإنجاب.. أعمل إيه؟.
وقالت أمينة الفتوى بدار الإفتاء المصرية: أول حاجة الخلاف يحتاج إلى تسوية وكل العلاقات فيها خلافات، فى خلاف مضر وخلاف صحي، واللى هو بنصل لحل للمشكلة بين الزوجة والزوج.
وأضافت: دور الأب والأم بدل ما يقولوا لها علشان هتتطلقى لازم نهدى ما بينهم ونصلح حالهم، لأن كده النهاية هتكون الطلاق، لازم نعرف سبب المشكلة ونحلها لأن فى طفل موجود الآن يحتاج لرعاية أبويه.
أمينة الفتوى: يجوز تأجيل الإنجاب فى هذه الحالات
أجابت هند حمام، أمينة الفتوى بدار الإفتاء المصرية، على سؤال حول متى يتخذ الزوجان قرارًا بتأجيل الإنجاب كنوع من أنواع تنظيم النسل؟.
وقالت أمينة الفتوى بدار الإفتاء المصرية: الزوجان هما أصحاب القرار في تأجيل الإنجاب، لما يكون فيه استقرار نفسي بينهم، ويكون عندهم استعداد صحى ويكون عندهم قدرة مالية يعنى يقدروا يصرفوا على الطفل اللى هييجي.
وواصلت: يجوز عادى تأجيل الإنجاب بسبب ظروف عدم استقرار الأسرة، أو وجود مشاكل سواء مالية أو عائلية أو صحية، يعنى لو الزوجة عندها مشكلة صحية هتنجب إزاي.
