الراقصة هندية: كثرة ابتلاءاتي تخفيف ذنوب
علقت الراقصة هندية على كثرة أزماتها التي تمر بها في الفترة الأخيرة، من مشاجرة وخلاف مع أسرتها وصلت إلى حد التهديد بالقتل، إلى أزمة بسبب كلب اتهمها البعض بأنها حاولت إيذائه، وهاجمها الكثيرون، ومؤخرًا استغاثتها من مالك عقار محلها الخاص.
وتحدثت الراقصة هندية لـ القاهرة 24، عن تفاصيل كثرة ابتلاءاتها قائلة: بحمد ربنا على كل حال، وشايفة إن كثرة الابتلاءات تخفيف ذنوب، لكن أنا مش شخص مبتلى خالص دا كرم من ربنا.
الراقصة هندية تتحدث عن ابتلاءاتها
واستغاثت الراقصة هندية من مالك عقار بـ محلها الخاص، تعمد مضايقتها وقطع التيار الكهربائي عن محلها رغم سداد ديونها كاملة، مشيرًا إلى أنه سرق منها كابل كهرباء تبلغ قيمته 30 ألف جنيه، قائلة: سرقوا كابل بـ 30 ألف وأنا ماشية لقيتهم موصلين الكابل بحاجة تانية، ولما سألت قالوا إنهم خدوه ركبوه في حته تانية، أنا ذنبي تاخد الكابل بتاعي ليه؟.
وفي السياق ذاته، قالت هندية: أنا لجأت للصحافة، لما لقيت نفسي مش عارفة أتصرف ولا عارفة آخد حقي ومعنديش ولاد يقفولي وأخواتي الرجالة ماتوا الثلاثة ورا بعض، ومعنديش غير أخ وكبير في السن، مش لاقيه حد فعلًا أنا لوحدي مش معايا غير ربنا أتمنى ربنا يكرمني، والاقي حد يقف معايا في محنتي.
