صلاح السعدني المغضوب عليه من اللي بالي بالك.. ماذا قال محمود سعد عن الفنان الراحل؟
وفاة الفنان صلاح السعدني سبقها ظهور لافت للإعلامي الشهير محمود سعد للحديث عنه، قائلا: طلب مني بإلحاح الحديث عن صلاح السعدني، ويومها حسيت إن أنا ممكن أكلمكم عن الأستاذ والفنان الكبير صلاح السعدني - أبو أحمد، ومن فرط احتياجي ليه كنت أخشى الحديث عنه، وهو اتخبط خبطة أنا اتخبطها معاه الصراحة.
علاقة صلاح السعدني وعادل إمام
وأضاف محمود سعد خلال برنامج سابق له باسم ونس: صلاح السعدنى كان من الفنانين القليلين اللى كنت أروح أقعد معاه فى بيته، فهو كان مغضوب عليه وكان الولد الشقي العفريت فى كلية الزراعة، أبو أحمد دا يتحكى عنه كتير، لأنه أظن أنه كان فى سنة أولى أو تانية وعادل إمام كان فى سنة رابعة، واتصاحب صلاح السعدني وعادل إمام جدا صحوبية كبيرة جدا، عادل إمام كان وقتها رئيس فرقة التمثيل وهو دخل ونجح نجاح كبير جدا فى التمثيل.
جنازة صلاح السعدنى
وفى الوقت الذى تتصدر جنازة صلاح السعدنى اهتمامات المصريين، كان محمود سعد قد تحدث عنه قائلا: صلاح السعدنى اتظلم واضطهد عشان أخوه كاتب كبير بيكتب آراء مبتعجبش الحكومات، أخوه الكاتب الكبير الراحل محمود السعدنى واللى حصل كان فى فترة كانت حزينة فى حياة الفنان، لدرجة أنه فى بعض الأيام كان عرض عليه سمير خفاجى انه يشتغل إدارى فى المسرح لفض الاشتباكات بين الفنانين، خاصة ان صلاح كان يفترض انه يشتغل مدرسة المشاغبين لأنه كان مغضوب عليه ليس من الفنانيين ولكن اللى بالى بالك من الحكومات فى الفترة دى، كانوا غضبانين على محمود السعدنى الكاتب النادر وبالتالى غضبوا على صلاح السعدنى.
وفاة صلاح السعدنى
وتابع سعد: صلاح السعدنى مات له أعز أصحابه وهو أسامة أنور عكاشة لأن كل شهرين كان لازم أعدى على صالح ونروحله أو نتقابل هناك، وكان بيعمل حاجات لطيفة، فأنا عربيتى زى عربية صلاح بالظيط واللون أسود زى بعض، فلما كان ينزل عند أسامة يدخل على عربيتى ويقعد لأنه معنديش سواق وأنا عندى سواق، وده دايما، وعبدالله فرغلى كان قريب جدا جدا من صلاح، وكان يكلم صلاح وصلاح يكلمه، وصلاح مات له ناس كتيرة فى فترة من الوقت وخد صدمات كتيرة.
واستكمل أنا مش فاكر أول مرة جمعتنى بصلاح السعدنى رغم علاقتنا الجميلة جدالأن صلاح من أبناء صباح الخير ولأن كلنا من تلامذة عمنا محمود السعدنى الأخ الأكبر لصلاح السعدنى، أنا لقيت نفسى صاحب صلاح وتوافقنا.
