زوجة بدر وعشيقها.. قتلا الزوج ومارسا الجنس فوق السرير بجوار الجثة | خاص
كشفت التحقيقات تفاصيل جريمة بدر والمتهم فيها سيدة وعشيقها، لاتهامهما بإنهاء حياة زوجها وتقطيعه داخل 11 كيس، وذلك من أجل الخلاص منه ليخلوا لهما الجو، ولم يكتفيا بما ارتكباه بل مارسا الجنس بجوار جثمان المجني عليه ياسر، زوج المتهمة الأولى فاطمة، وابن خالة المتهم الثاني سيد.
اعترافات المتهمة وعشيقها بإنهاء حياة زوجها وتقطيعه في بدر
ويواصل القاهرة 24 نشر التحقيقات واعترافات المتهم الثاني أمام جهات التحقيقات، والتي تضمنت ما يلي: اسمي سید کامل مقيم بالأقصر، واللي حصل إن ياسر يبقي ابن خالتي، وكنت شغال معه من حوالي سنتين في مدينة بدر في المعمار وفي العاصمة الإدارية، وفي مرة عرفني على مراته وكان بيبعتني ليها البيت أجيبلها طلبات، وبعدين ياسر ومراته فاطمه نزلوا البلد في الأقصر وأنا روحتلهم، ولما ياسر جه القاهرة أنا كنت براعي بيته وكنت بجيب طلبات لمراته، لحد ما في مرة كنت بودي طلبات لفاطمة ودخلت البيت عندها لقيتها بتحكيلي عن مشاكلها مع ياسر، وقولتلها استحملي دا جوزك برضو، وابتدت العلاقة بيننا إننا نتكلم في التلفون ونحب في بعض وكانت بتحكيلي.
وأكمل: ومن حوالي سنة ونص روحتلها بيتها في الأقصر، وأول ما دخلت كانت لوحدها وقعدنا مع بعض واتكلمنا وقربنا من بعض أكتر، وقلعنا هدومنا ومارسنا الرذيلة في الصالة وكررناها كتير، وبقيت بروحلها البيت في البلد مرتين أو تلاتة في الأسبوع طول الفترة دي، وبعدين ياسر كان شغال في بدر وفاطمة كانت بتيجي من البلد لبدر زيارات، وأنا بكلمها وأروحلها على الشقة وقت ما يكون ياسر في الشغل، ولما ياسر أخد شقة جديدة في بدر عشان يعيش مع مراته وابنه حسن أنا كنت بروحلها في البيت الجديد كل لما ياسر بيكون مش موجود.
وأضاف: قالتلي في مرة أنا عاوزة أتطلق من ياسر وقولتلها خلاص اتطلقي وأنا هتجوزك، وغضبت منه وسابتله البيت وراحت عند إخواتها في البلد، وأنا كنت متابعها في التليفون لحد ما إخواتها شكو إن فيه علاقه بيننا، وقالولها لازم تروحي بيت جوزك وراحت بيت جوزها في الأقصر وجوزها فضل متمسك بيها، ورجعها على مدينة بدر، وقتها أنا كنت اتحبست في سرقة موتوسيكل وخرجت بعد 3 شهور يوم 10/12/2023، وبعد كدا جيت على القاهرة أشتغل في فندق في التحرير.
وأردف: وفي مرة روحت لفاطمة مدينة بدر عشان بقالي كتير مشوفتهاش، وكلمتها في التليفون وعرفت إن جوزها ياسر كان في الشغل ورحنا البيت وعملت معاها العلاقة، وفضلنا على كدا كتير اروحلها البيت وأمارس معاها العلاقة، وآخر شهر 12 لسنة 2023، أنا وفاطمة اتفقنا إننا نموت ياسر ونخلص منه وقلتلها هاتي منوم من الصيدلية وقولتلها على اسمه تحطه لياسر في الأكل، وفعلا جابته وحطت لياسر حبيتين أو تلاته وكلمتني في التليفون وقالتلي إنها حطت المنوم لياسر وهو نام تعالى.
وأكملت: وفعلا روحتلها على الساعه 5 العصر دخلت الشقة بتاعة ياسر فتحتلي فاطمة الباب ودخلت لقيت ياسر نايم في الأوضة بتاعته، وأنا قولتلها هتخلص من ياسر، لقيتها بتقولي لازم نخلص منه النهاردة عشان لو مخلصتش النهاردة هسيبك أنت وهو وههرب من البلد خالص، وأنا ساعتها مكنتش عايز أقتل بس هي قالتلي إنها هتهرب هو ده اللي خلاني أقتل ياسر، وفعلا بيت النية أنا وفاطمة على قتل ياسر وقولتلها انزلي ربع ساعة وهكلمك هكون خلصت.
واختتم: دخلت على الأوضة وهو نايم ولقيت عصاية يد كوريك في البيت، مسكتها وضربت ياسر على دماغه 3 مرات وبعدين لقيت دماغه بتجيب دم وقاطع النفس ورنيت عليها قولتلها اطلعي خلاص الموضوع خلص وقتلته، وبنفكر نعمل فيه اي واحنا الاتنين اتفقنا على اننا نقطعه ونرمية في الزبالة، والكلام ده كان تاني يوم لأنه أول يوم بعد ما قتلته كنت تعبان ودخلنا ريحنا على السرير ومارسنا الجنس.
