شقيقة سيرين عبد النور تكشف تفاصيل إصابة والدتهم الراحلة بسرطان الرئة: التدخين سم هاري.. بلاش تعذبوا أولادكم
كشفت سابين، شقيقة الفنانة اللبنانية سيرين عبد النور، تفاصيل إصابة والدتهم بسرطان الرئة قبل وفاتها خلال الأيام القليلة الماضية.
وقالت سابين عبد النور، في مقطع فيديو نشرته عبر حسابها الشخصي بموقع تبادل الصور والفيديوهات إنستجرام: من سنين ماما تعبت والدكتور حذرها أنها لازم تبطل سجائر وقالها هيجيلك سرطان، وإحنا مكنش حد فينا بيجيب لها سجائر خالص ولكن هي كانت بتشتري وتقول إيه اللي هيحصل؟، وتعبت تاني وعرفنا أن جالها سرطان في الرئة والشريان اللي بيوصل الأكسجين لـ المخ ونفسها كان بينقطع، عملنا جلسات كيماوي وحاولنا على قد ما نقدر.
وتابعت: الواحد بيجي له شك أنه كان لازم نعمل أكتر، ولكن اللي عايزة أوصله ليكم أن لما بيتصاب الشخص بسرطان الرئة بيدفع ثمن الأكسجين اللي بيتنفسه ومش عارف يتنفسه، السجائر سم هاري، وكل شيء حوالينا بيقتل ولكن الواحد مينفعش يشرب سم ويقول يارب خلصني وليه حصلي كده، كأنه انتحار.
وأضافت: العذاب مش بس للمدخنين، العذاب لأولادكم وأصحابكم لما يشوفوكم بتتوجعوا وبتختنقوا ومش عارفين تاخدوا أكسجين ومش قادرين يعملوا حاجة، يمكن شايفين أن الحياة ظالماكم ولكن متعذبوش ولادكم، أمي كانت بتشتهي الماية وكنت بحطه ليها على شفايفها بالشاش علشان تبل ريقها، سيء مؤلم ونشكر الرب أنه أخدها لعنده قبل ما الدواء ميقدرش يساعدها.
واختتمت سابين عبد النور: اللي شوفناه حرام والحياة أهم من أننا ننفخ الدخان، الحمد لله على كل حال وماما ملاك في السماء.
وفاة والدة سيرين عبد النور
وسبق وأعلنت سيرين عبد النور، وفاة والدتها وذلك بعد صراع طويل لها مع المرض في الفترة الأخيرة في حياتها، ونشرت سيرين صورة تجمعها بوالدتها في المستشفى، وكتبت عبر ستوري حسابها الشخصي بموقع انستجرام: إلى اللقاء يا أمي يا حلوتي.
