بكون مجبرة على التصوير ووزني زاد بسبب مرضي.. أبرز تصريحات رانيا يوسف في برنامج مساء dmc
حلت الفنانة رانيا يوسف، ضيفة على برنامج مساء dmc، وتحدثت خلال الحلقة عن عدة موضوعات مختلفة، أبرزها علاقتها بـ ابنتيها، وشروطها التي تمليها عليهما في زواجهما.
وجائت أبرز تصريحات رانيا يوسف ببرنامج مساء dmc على النحو التالي:
-شخصيتي في بقينا اتنين شبهي في الحقيقة لأني شايلة مسؤولية البيت والأولاد وكل التفاصيل
-مش بشجع على خراب البيوت بس التفاهم مهم من قبل الجواز.
-لما شريك الحياة مش بيكون كويس الحمل بيكون تقيل وبيكون مفيش مخزون للمشاعر.
-متفقة مع بناتي ميتجوزوش قبل سن الـ 30 وأقتنعوا باالقرار ده وموافقين عليه.
-بناتي لسة صغيرين ومش هيقدروا يقرروا مواصفات الزوج المناسب.
-مليش حكم على بنتي بعد سن الـ 21.
-اتبسطت جدا بالمشاركة مع شريف منير في بقينا اتنين لأنه فنان شاطر ودمه خفيف.
-كنت بمر بأزمة صحية وباخد أدوية بتعمل تخزين مية في الجسم فكنت باينة زايدة في الوزن ودلوقتي بطلتها فـ خسيت.
-بكره التصوير وبكون مجبرة على التصوير وإني أكون قدام الناس ده شئ مش مريح.
-أنا شخص عفوي بس بدأت ألجم النقطة دي بعد مشاكل حصلتلي بسببها.
-ندمانة على عمل واحد عملته وكانت ظروفه مش حلوة.
رانيا يوسف: مفيش جواز لـ بناتي قبل الـ 30 سنة
وكشفت رانيا يوسف تفاصيل شروطها في زواج ابنتيها، حيث أوضحت أن شرطها الأساسي هو عدم زواجهما قبل إتمامهما سن الـ 30، حيث قالت ببرنامج مساء dmc: أنا متفقة مع بناتي ميتجوزوش قبل سن الـ 30، وأقنعتهم بالكلام ده وهما موافقين عليه، أنا عندي واحدة 20 سنة وواحدة 23، فـ لسة صغيرين، مش هيقدروا يقرروا مواصفات الزوج المناسب، لأنها غير ناضجة عاطفيا.
أعمال رانيا يوسف
يذكر إنه شارك رانيا يوسف في موسم رمضان الماضي 2024، من خلال مسلسل بقينا اتنين، الذي ضم العديد من الفنانين، أبرزهم الفنانة شريف منير، يوسف عثمان، ميمي جمال، نانسي هلال، وغيرهم، والعمل من تأليف أماني التونسي.
