سرقات متكررة.. طلاب طب أسنان 6 أكتوبر يستغيثون بسبب سرقة أجهزتهم أسبوعيّا
استغاث عدد من طلاب كلية طب الأسنان، جامعة 6 أكتوبر، من تكرار عملية السرقة المتكررة بشكل أسبوعي، للماتاريل الذي يستخدمونه في التطبيق العملي خلال الدراسة.
طلاب طب أسنان 6 أكتوبر يستغيثون بسبب سرقة أجهزتهم أسبوعيّا
وتساءل أحد الطلاب، في منشور على أحد الجروبات الخاصة بكلية طب الأسنان بجامعة 6 أكتوبر: عايزين نعرف إزاي جامعة محترمة زي دي، كل أسبوع يحصل فيها عملية سرقة واضحة وصريحة للماتاريل بتاعنا، اللي بيوصل لـ 30 و40 ألف جنيه، وإزاي مفيش كاميرات موجودة تجيب السارق؟.
وأضاف الطالب: كل ما نتكلم يقولوا أنتم اللي جايبين أقفال ضعيفة، إزاي دا يحصل وإزاي جامعة كبيرة ذي دي مفيهاش كاميرات ولا أمن؟، ذنبنا إيه إن كل إجازة نرجع أكتر 20 طالب مسروقين اللوكرات بتاعتهم؟.
وتابع: اتكلمنا كتير ومحدش بيتحرك من المسئولين، إحنا بنطلب حماية أدواتنا وفلوس أهالينا اللي بتروح على الأرض بسبب إهمال الجامعة، ده غير معاملة الدكاترة لينا.
