صغير: ليه ربنا مخلاش سيدنا محمد عايش لدلوقتي؟.. علي جمعة: كانت هتبقى ورطة كبيرة
أجاب الدكتور علي جمعة، مفتي الديار المصرية السابق، على سؤال صغير نصه: ليه ربنا مخلاش سيدنا محمد عايش لحد دلوقتي؟
صغير يسأل: ليه ربنا مخلاش سيدنا محمد عايش لحد دلوقتي؟
وقال الدكتور علي جمعة، مفتي الديار المصرية السابق، خلال حلقة برنامج نور الدين، اليوم الأحد: دي كانت هتبقى ورطة كبيرة، وكل لما هو عايش عليه الصلاة والسلام كل ما الوحي نازل والدين يتسع، والأوامر والتكاليف بتكتر.
وأضاف: وسيدنا النبي قال لنا «حياتي خير لكم ومماتي خير لكم تعرض على أعمالكم فإن وجدت خير حمدت الله، وإن وجدت غيره استغفر لكم».
وأكمل علي جمعة: سيدنا النبي محمد صلى الله عليه وسلم أعطانا أوامر من وصوم وغيره، لو كان عايش كان زمانها 600 تكليف، وربنا خلاه مش موجود دلوقتي رحمة بنا، وصحيح إحنا اتحرمننا من إننا نشوفه، أو نتبرك به.
كما أوضح مفتي الديار السابق سبب أمر الله عز وجل بالصلاة على الحبيب المصطفى، قائلًا: عشان ربنا أمرنا نعمل صلة بينا وبينا، في قوله تعالى -إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا- ربنا بيصلي على سيدنا النبي محمد صلى الله عليه وسلم، والملائكة كمان بيصلوا عليه، يبقى الصلاة على النبي، من أجل إيجاد ربط وصلة بين محمد والأتباع الذين آمنوا به.
