علاء مرسي عن سبب إصابته بالسرطان: مهتمتش بصحتي بعد الخمسين ومشكلة في القولون تطورت لأزمة كبيرة
تحدث الفنان علاء مرسي عن تفاصيل إصابته بالسرطان والسبب، مشيرًا إلى أنه أهمل صحته في السنوات الأخيرة ولم يكن مهتما بأي نصائح، وتسبب ذلك في إصابته بمشاكل في القولون تطورت للإصابة بسرطان في القولون.
علاء مرسي يتحدث عن سبب إصابته بالسرطان
وقال علاء مرسي خلال قائه مع القاهرة 24: أنا واحد من الناس اللي بشتغل طول عمري وآخر حاجة بفكر فيها صحتي وأني آخد بالي من أكلي وأني البس تقيل وغيرها من الأمور، وكل الحاجات دي لا تسهتويني ولا أركز فيها ومش بهتم بيها، وبعد ما الإنسان يعدي الخمسين يصبح وضعه في خطر، خاصة إذا لم يعِ لدقات ناقوس الصحة.. ونصائح من نوعية اهدى وخد بالك وما تطلعش السلم جري وما تكلش سمنة وغيرها من الأمور، وكل ده ضربت به عرض الحائط وكانت النتيجة تراكم وحصل عندي مشكلة في القولون والتهابات حادة جدا ولغبطة في القولون والجهاز الهضمي اتلغبط جدا ودخولني المستشفى.
وأوضح علاء مرسي، أنه حجز في المستشفى وأخبروه بضرورة الخضوع لعملية، مضيفًا: قالوا لازم أقعد في المستشفى، وعلشان أقعد في المستشفى وباقي على رمضان 25 يوم وأعطل الشغل ده كان مستحيل ودي مشكلة شغلتنا، وكان لازم يحصل حاجة من الاتنين يا الشغل يقف لحد هنا أو يشيلوا الدور ويعيدوا تاني وده في الحالتين خراب بيوت إنتاجيا وفنيا وأنا رفضت الحلين ولكن إذا توفاني الله ده حكم الله.
واستكمل علاء مرسي: اتفاهمت مع دكاترة ومرضيوش ولكني كنت عنيف معاهم وعملت مشكلة وقلت هشيل الكانولا وهنزل وكانوا بيخافوا يدخلوا ليا الأوضة قالوا هنجيب له نقيب يتفاهم معاه، وفعلا جاء دكتور أشرف طمني وقال لي أنا اتكلمت مع الإنتاج ومنتجة مسلسل كوبرا ومحمد إمام هيجيلك ومفيش حاجة واحنا معاك.
