أبرز تصريحات دنيا سمير غانم: حزني على أهلي خلاني عايزة أشتغل.. والرجالة شغلتها الكلام لكن رامي رضوان زوج مثالي
حلت الفنانة دنيا سمير غانم، ضيفة على برنامج Big time الذي يقدمه الإعلامي عمرو أديب، وخلال لقائها كشفت عن كيفية تخطي حزنها بعد وفاة والديها الفنان سمير غانم، والفنانة دلال عبد العزيز، بجانب حديثها عن علاقتها بزوجها الإعلامي رامي رضوان، والسوشيال ميديا بالنسبة لها.
أبرز تصريحات دنيا سمير غانم
- بعد تجربة موت والدي اكتشفت إن الحزن ده، مش زي ما بنوريه في الأفلام خالص.
- بعد وفاة والدي ووالدتي حزني خلاني عاوزة أنزل أشتغل، وأغني وأمثل على طول، لإن طول حياتي متبرمجة إن الفن يعني هما وبحس في الشغل إن هما معايا طول الوقت.
- إيمي حزنها إنها كانت عاوزة تفضل مع نفسها، وطلعت حزني في الأغنية اللي عملتها لبابي.
- الوقت اللي قبل الوفاة كان صعب وصورتهم وهما تعبانين على طول معايا.
- أنا شبه مامي، بس مامي أحلى بكتير، والجمهور السعودي كل ما بيشوفوني يقولو لي الله يرحم الوالد والوالدة.
- بنتي كايلا غيرت حياتي ومسئوليتي، وبقيت بخاف على نفسي ولو في حاجة فرهدة في الشغل بعتذر عنها.
- لو بتخانق مع رامي مش بسكت خالص وبحب أطلع اللي جوايا، عشان الخلاف ما يزيدش.
- الرجالة شغلتها الكلام، بس رامي حقاني أما بيعمل حاجة غلط بيعترف بيها وبيحب إن الست ديمًا تقول رأيها ويبقى عندها مكانتها.
- السوشيال ميديا بوظت حياتنا، وما بقناش نعيش حياتنا من غير التليفونات.
- رامي عامل لبنتنا حدود على السوشيال ميديا وبتستخدمه ساعة بس في اليوم.
- مش بهتم بالهجوم عليا ومش بدور على السوشيال ميديا غير ورا أعمالي بس، وساعات بشوف حملات.
- رامي رضوان في البيت زوج مثالي، وبيسندني وبيشجعني، في شغلي بس المثالية بتاعته بزيادة، وهو عارف من الأول ظروف شغلنا وحياتنا وبقيت بصعب عليه.
