حسام حبيب: اتهامات شيرين ليا غير صحيحة وعمري ما أخدت مليم من شغلها
تحدث الفنان حسام حبيب عن علاقته بطليقته شيرين عبد الوهاب، مؤكدا أن الاتهامات التي وجهتها له غير صحيحة وأنه لم يأخذ من عملها مليما واحدًا كما زعمت.
وقال حسام حبيب، في تصريحات تليفزيونية: انفصلنا بس هنفضل أصحاب، والحب مازال بيننا موجودا، وزي ما الحب مش من طرف واحد، الانفصال والمشاكل بتحصل من الطرفين.
حسام حبيب: أنا عمري ما تدخلت في شغل شيرين
ورد حبيب، على بعض أقوال الناس أنه يتحكم في شغل شيرين، قائلا: أنا عمري ما تدخلت في شغلها، عمري ما كنت مدير أعمال شيرين.
وأكد حسام حبيب، أنه عندما ترك مدير أعمال شيرين عبد الوهاب السابق العمل معها، كان لا توجد نقطة تواصل بين شيرين والناس، فكان هو حسام حبيب نقطة التواصل بينهما، ولكن لم يأخذ أي قرار في عملها، لافتا إلى أنه كان يذهب معها إلى الحفلات بهدف أن يكون داعما لها.
حسام حبيب: اتهامات شيرين ليا مش حقيقة
واستكمل حسام حبيب: مراتي لو قاعدة في البيت، أو بتشتغل أي شغلانة بسيطة في الدنيا، هي تاج على راسي، وأنا عمري ما خدت جنيه من شيرين، وهي كانت دايمًا تقولي ده تعبك خد فلوس كنت برفض وأقولها مساعدتي ليكي ده واجب عليا.
وأضاف حسام حبيب: اتهامات شيرين ليا مش حقيقة، كل ده بسبب إني مردتش عليها في التليفون وهي لما بتغضب كانت بتقول كلام كتير بيني وبينها وبعد الخناق ترجع تقول أنا كنت بقول كدة علشان أضايقك.
