ميكا البغدادي تهاجم طليقها مسلم بعد تصريحاته الأخيرة: مكنتش تجيب سيرتي.. ظلمتك إزاي وأنت طالع لايف تعتذرلي على خيانتك
هاجمت ميكا البغدادي، طليقها الفنان مسلم بعد أن كشف لأول مرة عن سبب طلاقهما بعد زواج دام عام ونصف، إذ أشار إلى أنه لم يخنها وتعرض للظلم.
شاركت ميكا البغدادي، متابعيها مقطع فيديو عبر حسابها الشخصي بموقع انستجرام، جاء فيه: مكنتش تجيب سيرتي وقلت حاجات مش حقيقية.
ميكا البغدادي تهاجم مسلم
تابعت ميكا البغدادي: اللي حصل عكس اللي قولته، طالع تقول ظلمتني ومخنتهاش إزاي وإنت طالع لايف تعتذر لي فيه أنك خنتني، في ناس عارفة إنك كداب ومش بتقول الحقيقة.
كما عرضت ميكا البغدادي، لايف شاركه مسلم من قبل عبر حسابه الشخصي بموقع انستجرام، وجه من خلاله رسالة اعتذار للاخيرة بسبب خيانته لها، جاء فيه: بعتذر للست اللي عايشة معايا لأنها قدرت تستمر رغم الظروف وتعديها معايا، واستحملتني في عز ما كنت بطلع عينها وأعمل حاجات لو واحدة مكانها مكنتش استحملت.
مسلم: انفصلت عن مراتي لأننا مش دماغ بعض
وكان مسلم حل ضيفا على برنامج أسرار الذي تقدمه الإعلامية أميرة بدر، وسألته عن سبب قرار انفصاله رغم استمرار زواجه عام ونصف فقط قائلة: متجوز من سنة ونص بس وعندك ولد إيه خلاك تطلق؟.. ليه خدت قرار زي ده؟
ورد مسلم: لأننا مش دماغ بعض ومش واخدين بعض عن حب، وهي كانت صاحبتي في الأول.. ومحترمة وما زالت محترمة لكن ما اتفهمناش ودماغنا مش شبه بعض قررنا إن كل واحد يعيش حياته ويفضل الطفل ما بينا وكل احترام.
لتعاود أميرة بدر وتسأله: بيقولوا في مصر اللي بيطلق مراته بيطلق عياله معاها؟، ليرد مسلم: ابني حتة من قلبي وعالم تاني بعيدا عن أي حاجة.
