ميار الببلاوي: اتطلقت من زوجي الأول 11 مرة بسبب رغبتي في الإنجاب.. وعملت عمرة بعد ارتدائي لـ باروكة
حلت الفنانة ميار الببلاوي، ضيفة على الإعلامية بسمة وهبة، في برنامجها العرافة، المذاع عبر قناة النهار، وتحدثت خلال الحلقة عن العديد من الموضوعات في حياتها.
وقالت ميار الببلاوي خلال حلقتها بـ العرافة: مشهد السرير في مسلسل أيام السراب ده أنا لا قربت من الراجل ولا هو قرب مني، ولما لبست باروكة فيه ده يعتبر خلع للحجاب فعلا.. والمشهد كان في منتهى الستر والاحترام ومعمول بمقاييس شرعية، ومازلت بمثل حتى بعد الحجاب لأني بحب التمثيل جدا، وروحت عملت عمرة بعد ارتدائي للباروكة لأن ده ميعتبرش حجاب خالص.
ميار الببلاوي: اتطلقت من زوجي الأول والحالي بسبب رغبتي في الانجاب
وتابعت ميار الببلاوي: في شيخ اتقدملي بشكل غير مباشر أثناء تصويري حلقة معاه، هو طلع معايا في لقاء في برنامج وقال للزميل والزميلة اللي معايا دي حلوة أوي ومقدرش أقعد معاها من غير ما أتجوزها، واشترط إني مبقاش معاه في الحلقة فـ محاورتوش وهو كان معروف عنه إنه مزواج.
وأضافت ميار الببلاوي، متحدثةً عن عدد زيجاتها، حيث قالت: اتجوزت 4 مرات على سنة الله ورسوله، ومبحبش أتجوز في السر، وزوجي الأخير اتطلقت منه 11 مرة ورجعنا تاني، وهو أول حب في حياتي ولو كان استمر في حياتي مكنتش هتجوز أي حد تاني، وعندنا عدم تجانس في الدم مينفعش نخلف، وأنا كنت عايزة أخلف فـ اتجوزت غيره.
