جميلة عزيز: الفن ضيع عمري ويمكن ربنا كاتبلي ارتبط بملاك في الآخرة.. ومشتاقة إني أحج
تحدثت الفنانة جميلة عزيز، عن حياتها الشخصية، موضحة أن الفن جعلها تخسر فرصة الزواج وتكوين الأسرة، بجانب الكشف عن أمنيتها في الحج.
وقالت جميلة عزيز، في تصريحات تليفزيونية: الفن ضيع من عمري وضيع عليا إني أعمل بيت وأسرة، وأنا مش ندمانة ده نصيب من عند ربنا، البني آدم لو مكتوب له إنه يرتبط ويتجوز ويعمل أسرة يبقى هيحصل سواء في الوسط أو برا الوسط، يمكن مكتوب لي عند ربنا أو مكتوبلي يوم القيامة أني ارتبط بملاك، أصل اللي متجوزش في الدنيا هيتجوز في الآخرة أكيد.
وتابعت جميلة عزيز: أي حاجة بتيجي للبني آدم بتكون تجربة وبتكون خير له، ربنا مبيسببش حاجة للبني آدم غير لما تكون خير لما بعد ذلك، وعايز يخليني في مرتبة أعلى.
وعن أمنيتها، فقالت جميلة عزيز: اللي شاغل بالي إني أحج، نفسي أوي أحج وربنا يكتبلي أحج وأزور بيته وأصلي وأدعي هناك، مشتاقة جدًا وربنا يكتبها ليا ولكل مشتاق، ونفسي الناس تحب بعضها بإخلاص من قلبها دون نفاق ومصلحة.
جميلة عزيز
وسبق وأن كشفت الفنانة جميلة عزيز، تفاصيل تخلي خطيبها عنها أثناء فترة مرضها، حيث قالت في لقائها مع القاهرة 24: كنت مخطوبة ولما خطيبي عرف مرضي تخلى عني في سبيل إنه عاوز يعيش حياته ويسافر، وكنا عايشين مع بعض قصة حب ومع بعض سنين وهو اللي حبني وقرب مني واتكلمنا كتير بعد ما أتعرفت عليه عن طريق والدتي لأنه كان دكتور وبيعالح والدتي.
