بيومي فؤاد: أنا وصمة دلوقتي وخايف أقول على الناس اللي كلمتني.. وفي أعمال بمضيها من غير ما أقرأ السيناريو
تحدث الفنان بيومي فؤاد، عن أزمته وقت مسرحية زواج اصطناعي، وعن الظلم الذي تعرض له والأشخاص الذين وقفوا بجانبه.
وقال بيومي فؤاد في تصريحات تليفزيونية: معداش عليا يوم من وقت ما حصل في المسرحية من غير عياط وأنا اتعرضت للظلم، وعيني اليمين كانت هتنفجر بسبب ظلم محمد السبكي ليا وأنه خد الفيلم بتاعي.
وأضاف بيومي: مش عارف ليه الناس نسيت أعمال كانت تراجيدي قبل خيانة عهد كنت بعملها زي موجة حارة.. وكلمت محمد ياسين في مسلسل أفراح القبة مليش مشهد.
وعن الأشخاص الذين حدثوه وقت الأزمة، أوضح بيومي: مدحت العدل من أول الناس اللي كلمتني.. وأنا وصمة دلوقتي وخايف أقول الناس اللي كلمتني وقت الأزمة، ومحمد سلام بيقولي أنت ليه بتعمل كده فينا ياعم بيومي عشان إحنا الاتنين زي بعض في الأجر.. فلما بقلل من أجري بيتقال ليه ما هو بيومي طلب كده.
واختتم بيومي حديثه: إزاي مبقراش سيناريوهات وهوصل للمستوى ده.. لازم اقرأ عشان أذاكر الدور كويس وبمضي أعمال من غير ما أقرأ السيناريو عشان مخرج زي محمد ياسين أو مؤلف زي عبد الرحيم كمال.
