بيومي فؤاد: طلبت ما اشوفش محمد سلام في كواليس الكبير 8.. ومش هدافع عن نفسي
تحدث الفنان بيومي فؤاد، عن دفاعه لـ محمد أنور بسبب فيديو محمد سلام، وعن الحالة النفسية الذي تعرض لها بعد أزمة المسرحية.
وقال بيومي فؤاد في تصريحات تلفزيونية: أنا كبير محمد سلام وأنا المرجع بتاعه، وكلمته لما اعتذر عن المسرحية وقالي أنا مش قادر أنت شايف الأطفال اللي بتموت.. وقولتله بدعي ليهم قبل ما بدعي لأولادي وده أكل عيش وفي ناس كتير بيوتهم مفتوحة من الحاجات دي.
تصريحات بيومي فؤاد
وأضاف بيومي: طلبت إني مقابلش محمد سلام في كواليس مسلسل الكبير 8، وفي مشاهد اتعاد كتابتها عشان منتقابلش.. وهو اتسبب في اللي حصل لـ محمد أنور ومطلعش دافع عنه، وأنا كنت محروق على محمد أنور.
واستكمل بيومي حديثه: اللي شتمني هنتقابل في المحاكم ومش هشتم حد.. وعشت أصعب 5 أيام في حياتي، كنت أنا ومراتي في السعودية وأولادي كانوا في مصر، واكتشفوا إن المقربين مننا بيشتموا فيا وده كان صعب علينا
واختتم حديثه: أنا فرحان إني عيطت.. وإحنا بتوع فلوس.. شالوا جملة أنا فنان مصري وليا الشرف.. بكرة هيبان الحق أي دفاع عن نفسي هيكون إدانة لـ محمد سلام.
